Yobo 9:1-35
9 Yobo a fhindula a ri:
2 “Ndi a ḓivha uri zwenezwo ndi ngoho.
Fhedzi muthu a nga vha hani o lugaho phanḓa ha Mudzimu?+
3 Arali muthu a tshi ṱoḓa u hanedzana Nae,*+Ha nga koni u fhindula na mbudziso na nthihi kha dza tshigidi.
4 O ṱalifha, u na maanḓa mahulu.+
Ndi nnyi ane a nga lwa nae a si huvhale?+
5 U sudzulusa dzithavha hu si na ane a zwi ḓivha;A dzi wisa o sinyuwa.
6 A dzinginyisa ḽifhasi,Uri phuphu dzaḽo dzi tseke.+
7 A laya ḓuvha uri ḽi si vhonetsheleA thivha tshedza tsha dziṋaledzi;+
8 A ṱharamudza maṱaḓulu e eṱhe,+A tshimbila nṱha ha magabelo a lwanzhe.+
9 A vhumba zwigwada zwa dziṋaledzi zwi vhidzwaho Asha, Kesile na Kima,+Na zwigwada zwa ṋaledzi dza tshipembe;
10 U ita zwithu zwihulu na zwi sa pfesesei,+Na zwithu zwi mangadzaho zwi sa vhalei.+
11 U fhira tsini hanga, nṋe ndi si mu vhone;U fhira phanḓa hanga, fhedzi nṋe ndi si zwi ṱhogomele.
12 Ndi nnyi ane a nga hana musi a tshi dzhia tshithu?
Ndi nnyi ane a nga amba nae a ri: ‘U khou ita mini?’+
13 Mudzimu ha nga humisi mbiti dzawe;+Na vhathusi vha Rahaba* vha ḓo gwadama phanḓa hawe.+
14 Ndi nga mu fhindula hani?
Musi ndi tshi mu fhindula, ndi ḓo nanga maipfi anga zwavhuḓi.
15 Naho ndo vha ndi si na mulandu, ndo vha ndi nga si mu fhindule.+
Ndo vha ndi tshi ḓo humbela muhaṱuli wanga uri a nkhathutshele.
16 Arali nda mu vhidzelela, naa u ḓo mphindula?
A thi fhulufheli uri a nga thetshelesa zwine nda amba,
17 Ngauri u mmbudzula nga ḓumbuA engedza mbonzhe dzanga hu si na tshee nda tshinya.+
18 Ha nnditshi nda femuluwa;U ḓi bvela phanḓa a tshi nnyengedzela zwi vhavhaho.
19 Ndi ene a re na maanḓa+ u fhira vhoṱhe.
Kha u haṱula, u ri: ‘Ndi nnyi ane a nga ntsengisa?’
20 Arali ndo vha ndi si na mulandu, mulomo wanga wo vha u tshi ḓo ntsema;Naho nda fhulufhedzea,* u ḓo mmbona mulandu.
21 Naho nda dzula ndi tshi fhulufhedzea,* a thi ḓifhulufheli;A thi tsha ṱoḓa u tshila.
22 Zwi a fana. Ndi ngazwo ndi tshi ri:
‘U fhelisa vha si na mulandu* na vhavhi.’
23 Arali mukumbela wa vhulaya a si na mulandu,U ḓo sea o fhulufhuwaho a si na mulandu.
24 Ḽifhasi ḽo kumedzwa zwanḓani zwa vhavhi;+O swingisa maṱo a vhahaṱuli vhaḽo.
Arali hu si ene o zwi itaho, ndi nnyi-ha?
25 Maḓuvha anga a fhira luvhilo lwa mugidimi;+A shavha a sa athu u vhona zwivhuya.
26 A tshimbila sa zwikepe zwa luvhilo,A nga magoni a tshi tsela u doba tsha u ḽa.
27 Arali nda ri: ‘Ndi nga si ḓo hangwa u gungula hanga,Ndi ḓo shandula tshifhaṱuwo tshanga uri ndi takale.’
28 Ndi ḓo ofha vhuṱungu+ hanga hoṱhe,Ndi a zwi ḓivha uri u ḓo mmbona mulandu.
29 Ndo vha ndi tshi ḓo vhonwa mulandu.*
Ndi ḓinetisela mini?+
30 Arali nda ṱamba nga maḓi o kunaho,*Nda ṱamba zwanḓa zwanga nga tshisibe,+
31 Wo vha u tshi ḓo mposa dindini,Lune zwiambaro zwanga zwa tou nnengwa.
32 Ngauri Mudzimu a si muthu u fana na nṋe ane nda nga mu fhindula,Ane ra nga isana tsengoni.+
33 A hu na ane a nga ri haṱula,*Ane a nga vha muhaṱuli washu.
34 Nga a litshe u nthwaNga a litshe u ntshutshedza nga u ofhisa hawe,+
35 Arali zwo ralo ndo vha ndi tshi ḓo amba nae ndi songo tshuwa,Ngauri a thi na tshiitisi tsha u mu ofha.
Ṱhaluso dzi re magumoni a siaṱari
^ Kana “u Mu isa khothe.”
^ Khamusi ndi ḽivhanda ḽa lwanzheni.
^ Kana “Naho ndi si na mulandu.”
^ Kana “Naho ndi si na mulandu.”
^ Kana “vhane vha fhulufhedzea.”
^ Thevhedz., “Ndo vha ndi tshi ḓo vha muvhi.”
^ Thevhedz., “maḓi a mahaḓa.”
^ Kana “mupfumedzanyi.”
