КИЧЭЭЛ 26
Чүге каржы-бак болгаш хилинчек-човалаң болуп турар?
Багай чүве болурга: «Чүге хилинчек-човалаң болуп турар?» деп айтырар бис. Өөрүнчүг чүүл, тода харыыны Ыдыктыг Бижилге берип турар!
1. Эрлик каржы-бакты канчаар эккелген?
Эрлик Бурганга удур үймээн көдүрген. Эрге-чагырга күзээш, мегениң дузазы-биле Бурганга удурланырынче бир дугаар кижилерни ол ыдалаан (Эге дөс 3:1—5). Иегова бир-ле эки чүвени чажырып турар деп бодалды ол Евага киирген. Кижилер Бурганны дыңнавас болза, оон-даа аас-кежиктиг апаарын ол каксы чугаалаан. Өлбес сен дээш, Еваны Эрлик бир дугаар мегелээн. Ынчангаш ол «мегечи... база нүгүл-мегениң адазы» (Иоанн 8:44).
2. Ада́м биле Ева кандыг шилилгени кылган?
Иегова Ада́м биле Евага дыка эки хамаарылганы көргүскен. Эдем садынга чаңгыс ыяштан аңгыда, өске ыяштарның чимистерин чиирин оларга чөпшээрээн (Эге дөс 2:15—17). Ынчалза-даа Ада́м биле Ева Бурганның хоруп каан ыяжындан чимисти чипкеннер (Эге дөс 3:6). Тергиин кижилерге шын алдынары белен-даа болза, олар Бурганга өжегээр удурланган. Дыңнангыр эвес чорук оларның чуртталгазын бузуп каан (Эге дөс 3:16—19).
3. Ада́м биле Еваның шиитпири биске чүнү эккелген?
Ада́м биле Ева бачыттыг, тергиин эвес апаргаш, ол байдалын ажы-төлүнге дамчыткан. Ада́мдан «бачыт бо делегейже... дамчып кирип келген, а бачыт-биле кады — өлүм база; а өлүм бүгү улустуң салым-хуузу апарган» — деп Библияда бижээн (Римчилерге 5:12).
Хилинчек-човалаңның чылдагааннары янзы-бүрү. Кижилер боттарының частырыындан азы өскелер дээш, азы таарымча чок үе болгаш таварылгадан хилинчек-човалаңга таваржып турар. (Номчуптуңар: Экклесиаст 9:11.)
ХАНЫ ШИНЧИЛЕҢЕР
Хилинчек-човалаң дээш, Бурганны чүге буруудадып болбазын база Ооң биске кээргелиниң дугайында билип алыр силер.
4. Хилинчек-човалаңывыс дээш кым буруулуг?
Делегейни Бурган башкарып турар деп бодал шын бе? ВИДЕОНУ көрүңер.
Иаков 1:13 биле 1 Иоанн 5:19-ту номчааш, харыылаптыңар:
-
Хилинчек-човалаң дээш, Бурган буруулуг бе?
5. Эрликтиң чагыргазы чүү чүвеге чедиргенил?
Эге дөс 3:1—6-ны номчааш, харыылаптыңар:
-
Эрлик чүү деп мегелээн? (4, 5 дугаар шүлүктерни көрүңер.)
-
Иегова кижилерден бир-ле эки чүүлдү чажырган деп, Эрлик канчаар чогааткан?
-
Иегова чокка кижилер аас-кежиктиг чурттап болур деп, Эрлик канчаар мегелээн?
Экклесиаст 8:9-ту номчааш, харыылаптыңар:
-
Иегова башкарбайн баарга, делегей канчаар өскерилген?
-
А. Ада́м биле Ева дываажаңга чурттап тургаш, Эрликке мегелеткеш, Иеговадан ойталааннар
-
Б. Үймээнниң хайындан делегей хилинчек-човалаң, бачыт болгаш өлүм-биле долган
-
В. Иегова бачытты, хилинчек-човалаңны болгаш өлүмнү чок кылыр. Кижилер тергиин апарып, дываажаңга катап чурттаар
6. Бистиң хилинчек-човалаңывыс Иеговага аарышкылыг
Хилинчек-човалаңывыска Бурган тоомча чок бе? Давид хаан биле Пётр элчинниң сөстерин көрүңер. Ырлар 30:8 биле 1 Пётр 5:7-ни номчааш, харыылаптыңар:
-
Бергелериңерни Иегова эскерип, кээргеп турары силерге кандыг минниишкиннер оттурар-дыр?
7. Бурган хилинчек-човалаңны соксадыптар
Исайя 65:17 биле Ажыдыышкын 21:3, 4-тү номчааш, харыылаптыңар:
-
Иегова кижи бүрүзүнүң аарышкызын эмнеп, чидириин эгидип бээр деп билири чүге биске оожургалды эккээр?
Билир силер бе?
Эрлик Иегованы нүгүлдеп, Ооң чагырар эргезиниң чөптүүн болгаш кижилерге ынакшылын чигзиниг адаанга салган. Удавас Иегова хилинчек-човалаңны соксадыр. Ынчан Бурган Бодунуң адын алдаржыдып, Чагыргазы эң-не дээре деп бадыткаар. Иегованың адын нүгүлден арыглаары — эң-не кол айтырыг (Матфей 6:9, 10).
ЧАМДЫК УЛУС МЫНЧА ДЕП БОЛУР: «Хилинчек-човалаң дээрге Бурганның берген салымы-дыр».
-
Чүү деп харыылаар силер?
КОЛ БОДАЛ
Эрлик болгаш бир дугаар кижилер каржы-бак дээш буруулуг. Иегова удавас хилинчек-човалаңны соксадыптар.
Катаптаашкын
-
Эрлик Еваны канчаар мегелээн?
-
Ада́м биле Еваның үймээни шуптувуска кандыг салдарлыг болган?
-
Хилинчек-човалаң Иеговага аарышкылыг деп кайыын билир бис?
НЕМЕЛДЕ
Библия чүнү бачыт деп адаарын номчуп көрүңер.
Эдемге Эрлик кандыг айтырыглар көдүргенин номчуп көрүңер.
«Бурган хилинчек-човалаңны чүге чөпшээреп турар?» («Таңныыл суургазы» январь 1, 2014 чыл)
Бо нарын айтырыгга харыы силерни оожургадыр.
«Чүге холокост болган? Бурган ону чүге соксатпаан?» (веб-статья)
Чуртталга чүге берге деп айтырыгга харыыны бир эр кижиниң канчаар тып алганын көрүңер.
Силерге солун бооп болур
ҮРГҮЛЧҮ САЛЫР АЙТЫРЫГЛАР
Иегованың Херечилериниң библейжи кичээлдери канчаар эртип турар?
Иегованың Херечилеринде Ыдыктыг Бижилге-биле таныжып алырынга дузалаар ажыктыг курс бар. Өөредилге үезинде бодуңарның Библияңарны ажыглап, кичээлдерже өг-бүлеңерни, эштериңерни чалап ап болур силер.
