Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

TE PARE TIAIRAA NOVEMA 2015

 ARATAIRAA TAHITO NO TEIE TAU

A faaore noa i ta vetahi ê hara

A faaore noa i ta vetahi ê hara

ARATAIRAA BIBILIA: “E faaoromai te tahi i te tahi, e faaore te tahi i ta te tahi ra hapa, i parihia’i oia ra: mai ta te Fatu hoi i faaore i ta outou na, e na reira’toa outou.”—Kolosa 3:13, Te Bibilia Mo’a V.C.J.S. (1976)

Eaha te auraa? I roto i te Bibilia, ua faahoho‘ahia te hara i te tarahu e te faaoreraa hara i te faaoreraa i te tarahu. (Mataio 18:21-35) Ia au i te tahi buka, “eita e titau i te aufauraa o te tarahu” te auraa o te parau “faaore” na roto i te reo Heleni i roto i te Bibilia. Ia faaoti tatou i te faaore i ta vetahi ê hara, eita tatou e titau i te tahi noa ’‘e mea ia ’na. E ere râ te auraa, te farii ra tatou i te ino aore ra te mauiui ta ’na i faatupu. Ua faaea noa râ tatou i te inoino noa ’tu e pariraa tano ta tatou.

E tano anei no teie tau? Ei taata tia ore, e hara tatou paatoa. (Roma 3:23) E haerea paari ïa ia farii i te faaore i ta vetahi ê hara. Araua‘e aore ra ananahi, e hinaaro tatou ia faaore mai vetahi ê i ta tatou hara. Hau atu â, e maitaihia tatou i te na reira. No te aha?

E mauiui te tupu mai ia tamau tatou i te riri e te inoino e te ore e faaore i ta vetahi ê hara. Eita tatou e oaoa faahou i tera mau huru. E haafifi atoa te reira i to tatou oraraa e e turai mai ia mana‘o mea faufaa ore tatou. Taa ê atu i te reira, e fifi atoa te ea. Ua faaite te tahi faatiaraa a te mau taote Yoichi Chida e Andrew Steptoe i roto i te tahi vea no nia i te ea: “Ia au i te mau maimiraa hopea nei, e nehenehe te riri e te inoino e faatupu i te ma‘i mafatu.”—Journal of the American College of Cardiology.

A hi‘o na râ i te mau maitai ia faaore i te hara. E hoê tatou e e itehia te hau. E maitai ïa te auhoaraa e te taata atoa. Hau roa ’tu â, ua pee tatou i te hi‘oraa o te Atua o te faaore noa i te hara a tei tatarahapa e te hinaaro ia na reira atoa tatou.—Mareko 11:25; Ephesia 4:32; 5:1.