Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

TE PARE TIAIRAA NOVEMA 2015

 TUMU PARAU MATAMUA

O vai te mau Ite no Iehova?

O vai te mau Ite no Iehova?

“Ua matau vau ia Mike mea maoro i teie nei. E Ite no Iehova o ’na. Ua huru ê noa râ vau i ta ’na haapaoraa. O vai Iehova? No te aha eita te mau Ite no Iehova e faatupu i te mau oroa? Tei roto anei Mike i te tahi pǔpǔ iti faaroo?”—Becky, Kalifonia, Marite.

“I to te feia tapiri mai i to ’u fare haamataraa i te haapii i te Bibilia e te mau Ite no Iehova, ua uiui au: ‘Eaha te auraa te i‘oa, Ite no Iehova? E i‘oa huru ê roa tera no te hoê haapaoraa!’”—Zenon, Ontario, Kanada.

“E ere mâua ta ’u vahine i te feia haere i te fare pure. I to mâua mana‘o, tera te tumu i haere mai ai te mau Ite no Iehova. No mâua, eita tera pǔpǔ iti faaroo huru ê e nehenehe e haamâha i to mâua mau hinaaro. Mai tera atoa hoi no te tahi atu mau haapaoraa rahi.”—Kent, Washington, Marite.

“Aita vau i ite noa ’‘e o vai ratou e eaha ta ratou mau tiaturiraa.”—Cecilie, Esbjerg, Danemata.

Ua ite paha oe ia ratou ia poro i tera e tera fare aore ra i te vahi taata. Ua horoa i te mau papai niuhia i nia i te Parau a te Atua e ua pûpû i te haapiiraa Bibilia tamoni ore. Na te tahi paha Ite no Iehova i horoa ’tu i teie vea. E uiui noa râ oe, ‘O vai mau na te mau Ite no Iehova?’ Peneia‘e hoê â mana‘o to oe e to te feia i faahitihia i nia ’tu.

Mai te peu e uiraa ta oe mai tera e te haapeapea atoa ra, ihea e ite ai i te pahonoraa? E nafea ia ite eaha mau na te mau tiaturiraa a te mau Ite no Iehova? Na vai e aufau i te mau haamâu‘araa o ta ratou ohipa pororaa e piha haamoriraa? No te aha ratou e haere ai i to fare e e farerei atoa ’tu ai i te vahi taata?

Te na ô ra Cecilie, faahitihia i nia ’tu: “Mea rahi ta ’u i taio no nia i te mau Ite no Iehova i nia i te Internet. Ua faarooroo atoa vau te tahi mau parau e ua tiaturi i te reira. Tera te tumu mea au ore roa na ’u te mau Ite no Iehova na mua ’‘e.” I muri a‘e râ, ua ui tia roa ’tu oia i te tahi Ite no Iehova e ua pahonohia ta ’na mau uiraa.

E hinaaro anei oe e fana‘o i te mau pahonoraa papu no nia i te mau Ite no Iehova? E faaitoito matou ia oe ia fariu i te feia tano roa ’‘e ia ui, te mau Ite no Iehova, te feia i pia i teie vea. (Maseli 14:15) Te tiaturi nei matou e tauturu atu te mau tuhaa i muri nei ia ite o vai matou, eaha ta matou mau tiaturiraa e te tumu matou e poro ai.