Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

TE PARE TIAIRAA NOVEMA 2015

 TUMU PARAU MATAMUA | O VAI TE MAU ITE NO IEHOVA?

Mea nafea te mau haamâu‘araa ia aufauhia?

Mea nafea te mau haamâu‘araa ia aufauhia?

I te mau matahiti atoa, e nenei e e opere matou hanere mirioni Bibilia e papai niuhia i nia i te Parau a te Atua. E hamani e e tiaau matou i te mau piha ohipa e fare neneiraa na te ao nei. E putuputu na ahuru tausani amuiraa i roto i te mau vahi au noa e te nehenehe no te haamori i te Atua. Mea nafea te mau haamâu‘araa ia aufauhia?

Na roto i te mau ô horoa noa. (Korinetia 2, 9:7) Teie tei parauhia i roto i te piti o teie vea i matara i 1879: “‘Te tiaturi nei matou o IEHOVA te turu ra i te papai Le Phare de la Tour de Sion [te i‘oa o teie vea na mua ’‘e] e a vai noa ’i mai tera, eita roa e anihia e e titauhia ta te taata turu.” Aita ta matou faaotiraa i taui.

E hapono tia ’tu vetahi i te mau ô i te tahi o ta matou piha ohipa aore ra e tuu i roto hoê afata ô e vai ra i roto i te mau Piha a te Basileia atoa. Eita roa matou e titau i te tuhaa ahuru, e faaaufau i to matou taime aore ra ta matou mau papai. Aita matou e aufauhia ra no te haere e poro, no te haapii i roto i te amuiraa aore ra no te patu i te hoê vahi haamoriraa. E ere anei, ua parau Iesu: “I horoa-noa-hia mai ta outou, e horoa noa hoi outou.” (Mataio 10:8) Eita te feia atoa i roto i te mau piha ohipa e ta matou pu rahi e aufauhia. Mai tera atoa no te mau melo o te Tino aratai a te mau Ite no Iehova.

“Mai i roto i te mau ohipa atoa a te mau Ite no Iehova, na te mau ô horoa noa e aufau i te mau haamâu‘araa. Na te taata taitahi e faaoti ehia moni e ehia taime o ’na e horoa ’i i ta ’na ‘ô.’”—Tiripuna Europa o te tiaraa o te taata, 2011

E faaohipa-atoa-hia te mau ô no te horoa i te tauturu i muri a‘e i te ati. Ua hinaaro atoa te mau Kerisetiano matamua e tauturu i te feia i roto i te fifi. (Roma 15:26) E na reira atoa matou ma te hamani faahou i te fare no ratou e te mau vahi haamoriraa, ma te horoa i te maa, te ahu e te mau raau.

No te ite atu â

E nehenehe tatou e tauturu ia vetahi ê

Haapii nafea te mau ô horoa noa i te ohipa na te ao nei a te mau Ite no Iehova e tauturu ai ia haapao i te mau hinaaro pae tino e varua o vetahi ê.