Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

TE PARE TIAIRAA NOVEMA 2015

 TUMU PARAU MATAMUA | O VAI TE MAU ITE NO IEHOVA?

Eaha te mau tiaturiraa a te mau Ite no Iehova?

Eaha te mau tiaturiraa a te mau Ite no Iehova?

Te tiaturi ra te mau Ite no Iehova i “te mau parau mo‘a atoa i papaihia ra e mea faaurua mai ïa e te Atua, e e mea maitai.” (Timoteo 2, 3:16) No matou, ua riro te Bibilia ei buka o te tauturu mai ia haapii no nia i te Atua poiete e te tia ia rave no te fana‘o i te oraraa oaoa.

Te na ô ra te Bibilia: “Ia ite te taata atoa e, o Iehova to oe i‘oa, e o oe ana‘e tei Teitei i te fenua atoa nei.” (Salamo 83:18) No reira, e haamori matou i te Atua Iehova ana‘e e te tutava atoa nei i te faaite i to ’na i‘oa ei Ite no ’na.—Isaia 43:10-12.

Ei Kerisetiano, te tiaturi ra matou ua haere mai Iesu, ‘te Tamaiti a te Atua’ * i nia i te fenua e ua riro ei Mesia. (Ioane 1:34, 41; 4:25, 26) I muri a‘e i to ’na poheraa, ua faatiahia oia no te ora i te ra‘i. (Korinetia 1, 15:3, 4) I muri a‘e, ua riro oia ei Arii no te Basileia o te Atua. (Apokalupo 11:15) E faatereraa mau tera Basileia o te faariro faahou i te fenua ei paradaiso. (Daniela 2:44) Te na ô ra te Bibilia: “Area te feia mǎrû ra, e parahi ïa i te fenua, e oaoa ratou i te rahi o te hau.”—Salamo 37:11, 29.

“Ia taio ratou i te Bibilia, e au o te Atua te paraparau atu ra. E imi ratou i te ravea i roto ia tupu te fifi. . . . No ratou, mea ora noâ te Parau a te Atua.”—Tia faaroo Katolika Benjamin Cherayath, vea Münsterländische Volkszeitung, Heremani

Te tiaturi ra te mau Ite no Iehova e maitaihia te taata o teie tau atoa i te mau aratairaa Bibilia. (Isaia 48:17, 18) No reira matou e haapao maite ai i tera mau aratairaa. Ei hi‘oraa, te faaara mai ra te Bibilia ia haapae i te mau peu o te haaviivii i to tatou feruriraa e tino. Eita ïa matou e puhipuhi i te avaava aore ra e rave i te raau taero. (Korinetia 2, 7:1) E haapae atoa matou i te rave i te mau peu iino faaite-maitai-hia i roto i te Bibilia mai te inu-hua-raa i te ava, te mau peu faufau atoa e te eiâ.—Korinetia 1, 6:9-11.

^ par. 5 I roto i te Bibilia, e pii-atoa-hia Iesu mai “te Tamaiti fanau tahi a te Atua” no te mea o ’na te matamua o te mau mea atoa i hamanihia e o ’na ana‘e tei poietehia e Iehova iho.—Ioane 3:18; Kolosa 1:13-15.

No te ite atu â

Eaha te mau tiaturiraa a te mau Ite no Iehova?

A hi‘o na 15 o ta matou mau tiaturiraa.

Te mana‘o ra anei te mau Ite no Iehova e ta ratou ana‘e te haapaoraa mau?

Ua parau anei Iesu e e rave rahi e‘a e aratai i te taata i te ora?