Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

A ARA MAI NA! MATI 2015

 TUMU PARAU MATAMUA | NO TEIE TAU ATOA ANEI TE BIBILIA?

Huru maitatai ta te taata atoa e nehenehe e faaite: Te haerea tia

Huru maitatai ta te taata atoa e nehenehe e faaite: Te haerea tia

ARATAIRAA BIBILIA: “O vai . . . te tiahapa i to [te Atua] ra sekene? . . . O te taata haerea pi‘o ore, o tei haapao i te parau-tia ra; o tei parau i te parau mau i roto i to ’na ra aau.”Salamo 15:1, 2.

TE MAU MAITAI: E haafaufaa te rahiraa i te haerea tia e te hapa ore. Ia faufaahia râ ratou ma te rave i te tahi ohipa tano ore, e itehia to ratou huru mau.

I roto i te ohipa a Raquel, e titau-atoa-hia ia hoo mai i te tao‘a i te mau taiete. Te na ô ra oia: “E tamata vetahi feia hoo tao‘a i te peta ia ’u. Ia hoo mai au i te reira ia ratou, e faaaufau-rahi-hia ta matou taiete e o vau te fana‘o i te moni haamâmâraa o te mau tao‘a i hoohia mai. Ua haamana‘o râ vau i te a‘oraa Bibilia no nia i te haerea tia e aita vau i farii. Ua tiaturi atu â ta ’u paoti ohipa ia ’u i to ’na iteraa i te reira.”

Ahiri Raquel i farii, e moni rahi ta ’na e noaa mai, no te hoê taime poto râ. Ua ite ana‘e hoi to ’na paoti i te reira, e tihatihia paha oia e ia imi o ’na i te tahi atu ohipa, eita e tiaturi-faahou-hia. Hau roa ’tu â, aita Raquel i hinaaro ia faahapa noa to ’na aau ia ’na e ua haafaufaa ïa i te mana‘o haava maitai. Te parau ra te Maseli 22:1: “O te i‘oa maitai tei hau i te tao‘a rahi ra; e te ite-maitai-hia mai i te ario e te auro.”

E roo maitai to Jessie no to ’na haerea tia i te ohipa

No to Jessie haerea tia, ua tiaturi-mau-hia o ’na e e roo maitai to ’na i te aro o te paoti ohipa. Eaha te mau maitai ta ’na i fana‘o? Te tahi tiaraa teitei i roto i te taiete e te parau faatia na ’na iho e faanaho i ta ’na ohipa. E taime rahi a‘e ïa to ’na no ta ’na vahine, ta ’na mau tamarii e no te tavini i te Atua.

No te tihepu mai i te feia rave ohipa, e imi vetahi paoti i te mau pǔpǔ taata matauhia no to ratou haerea tia. Ua papai te tahi tia faatere taiete i Philipino i te piha ohipa a te mau Ite no Iehova no te horoa i te ohipa i te mau melo o tera haapaoraa. Ua na ô oia e feia itoito, e haerea tia to ratou e mea haapao maitai atoa i te ohipa. O te Atua râ o Iehova te faahanahanahia, na ’na hoi i haapii ia tatou ia au ore i te ino e ia hinaaro i te maitai.—Amosa 5:15.

No te ite atu â

Eaha te maitai o te mau ture a te Atua?

Ua faataa Iesu no te aha e hinaarohia ’i te aratairaa e eaha na faaueraa Bibilia faufaa roa.