Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

A ARA MAI NA! MATI 2015

 TUMU PARAU MATAMUA | NO TEIE TAU ATOA ANEI TE BIBILIA?

Huru maitatai ta te taata atoa e nehenehe e faaite: Te taiva ore

Huru maitatai ta te taata atoa e nehenehe e faaite: Te taiva ore

ARATAIRAA BIBILIA: “Ia haamaitaihia te faaipoipo i te taata atoa ra, e te viivii ore hoi te roi.”—Hebera 13:4.

TE MAU MAITAI: No vetahi, eita tera mau parau e tano no teie tau. Ua hape roa râ ratou! Mai te tau i papaihia ’i te Bibilia e tae mai i teie mahana, e mauiui rahi mau te itehia ua taiva ana‘e hoê o na hoa faaipoipo.—Maseli 6:34, 35.

Ua papai o Jessie e taata faaipoipo e e metua tane: “Ua faufaa-rahi-hia mâua i te taiva ore o te tahi i nia te tahi, mea piri roa vau e ta ’u vahine e e oraraa oaoa to mâua. Mea faufaa mau te tiaturi i roto i na hoa faaipoipo. E ore râ tera tiaturi ia taiva hoê.” A mana‘o atoa na ïa eaha te huru o te mau tamarii ia tupu te reira!

Ua haafifi o Ligaya * i to ’na faaipoiporaa. Te parau ra oia: “Ua haamata vau i te faahoa i te mau amuimuiraa iino. I muri a‘e, i te ori i te po e te pae hopea, ua taiva i ta ’u tane.” Ua oaoa mau anei oia? Ua tatama‘i noa raua ta ’na tane e ua riro ei vahine haapaoraa ore roa. Te na ô faahou ra oia: “I to ’u feruriraa i ta ’u i rave no te topa i tera faito, ua taa ia ’u ua tano roa ta to ’u na metua i parau pinepine: ‘E ino te parau maitai i te amuiraa iino.’”—Korinetia 1, 15:33.

Te parau faahou ra Ligaya: “Na mua ’‘e te ohipa a ino roa ’i, ua faaoti au i te taui roa i to ’u haerea e te haapii i te Bibilia, i teie nei râ, ma te faaohipa i ta ’u e haapii.” Eaha te faahopearaa? Ua maitai mai to ’na faaipoiporaa, ua poihere e ua faatura faahou ta ’na tane ia ’na. Ua na ô oia: “Ua taui te Bibilia i to ’u oraraa e aita roa vau i tatarahapa i te haapae i to ’u huru tahito e te mau hoa ta ’u i vaiiho.”

^ par. 6 Ua tauihia te tahi mau i‘oa.

 

No te ite atu â

Eaha te maitai o te mau ture a te Atua?

Ua faataa Iesu no te aha e hinaarohia ’i te aratairaa e eaha na faaueraa Bibilia faufaa roa.