Eaha to roto?

Mau faaho'iraa ê

Tapura tumu parau

Ite no Iehova

Tahiti

A ara mai na!  |  Mati 2015

 NA TE AO NEI

Te haapaoraa

Te haapaoraa

Te tanoraa mau, e ravea te haapaoraa no te tahoê i te taata. I te rahiraa râ o te taime, e faatupu te reira i te aroraa e eita atoa e faaite i te aratairaa maitai.

Na te ara

Hau atu toru tuhaa i nia i te maha o te huiraatira na te ao e ora nei i roto i te mau fenua mea rahi te mau opaniraa no te mau haapaoraa. Ua haamauhia te reira no te faatureraa a te faatereraa aore ra no te mana‘o o te rahiraa. I na pae matahiti i mairi, ua tataipiti te numera o te mau fenua ua hamani-ino-hia te feia no te mau haapaoraa mea iti to ratou mau taata.

A FERURI NA: Eaha te tahi mau tumu mea au ore na te taata i te haapaoraa?—Mataio 23:27, 28; Ioane 15:19.

Beretane

I roto i te vea ra Observer, ua papai te faatere hau nui tahito Tony Blair, o “te haapaoraa” te tumu o te mau ohipa totoaraa i tupu aita i maoro a‘enei. Te na ô atoa ra oia: “I tupu na te mau aroraa o te senekele 20 no te taa-ê-raa o te mau mana‘o poritita, to teie râ tau e tupu ohie ïa no te taa-ê-raa o te peu a tera e tera nunaa aore ra haapaoraa.”

A FERURI NA: No te aha e pinepine te haapaoraa i te faatupu i te amahamaharaa?—Mareko 7:6-8.

Auteralia

Te faaite ra te Pu titorotororaa no Auteralia, 1 taata i nia 5 no tera fenua te parau ra aita e haapaoraa ta ’na. Noa ’tu râ, “mea taa ê ia parau e haapaoraa ta oe, mea taa ê ia haa ma te itoito i roto i te mau ohipa a te haapaoraa.” Te rahiraa o te mau tane o te haa ma te itoito i roto i ta ratou haapaoraa aore ra pǔpǔ faaroo, 15 ïa i nia i te hanere, e te mau vahine, 22 ïa i nia i te hanere.

A FERURI NA: Mai te aha te huru o te mau taata o te rahiraa o te mau haapaoraa i teie mahana?—Mataio 7:15-20.

No te ite atu â

TE PARE TIAIRAA

Te vai ra anei te tahi haapaoraa papu?

Ua inoino anei oe i te tahi haapaoraa? Eita paha ïa oe e hinaaro e faaô i roto i te tahi atu. E nafea te haapiiraa Bibilia e tauturu atu ai?

UIRAA A TE TAATA

No te aha e vai amui ore ai te mau Ite no Iehova i roto i te mau ohipa poritita?

Mea atâta anei ratou no te hau o te fenua?