Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

A ARA MAI NA! MATI 2014

 IA AU I TE BIBILIA

Te peu tahutahu

Te peu tahutahu

Mea ino anei ia tamata i te aparau e te feia pohe?

“Eiaha e imi i te taata hi‘ohi‘o ia viivii outou i te reira.”—Levitiko 19:31.

TA TE TAATA E PARAU RA

Te hinaaro nei te taata i te haapapuraa e aita te feia pohe ta ratou e here ra e mauiui ra. No reira ratou e na ô ai: “No te aha e ore ai e aparau ia ratou na roto i te hoê tahutahu? Peneia‘e na roto ia ’na e nehenehe ai tatou e faaite i te tapao aroha hopea a ore atu ai e haapeapea faahou.”

TA TE BIBILIA E PARAU RA

Mea maramarama maitai ta te Bibilia e faahiti ra no nia i tei tamata i te aparau e te feia pohe, e peu hoi tera mai te tau tahito mai â. Ei hi‘oraa, ua faaue Iehova na roto i ta ’na ture i te nunaa Iseraela: “Eiaha roa te hoê i roto ia outou e . . . feia imi i te varua ino . . . e te feia uiui i tei pohe ra. O te feia atoa hoi i rave i te reira ra mau peu, e feia faufau ïa na Iehova.” (Deuteronomi 18:10-12) Te parau atoa ra te Bibilia no te taata e rave ra i te mau huru peu tahutahu atoa “e ore ratou e parahi i te basileia o te Atua.”—Galatia 5:19-21.

 E nehenehe anei tei pohe e haafifi i te feia e ora nei?

“Ua ite te feia e ora nei, e pohe ratou, aita râ a te feia i pohe ra e parau itea.”—Koheleta 9:5.

TA TE TAATA E PARAU RA

Te na ô nei e rave rahi e tei te tahi vahi taa ê te feia pohe. E hinaaro ïa vetahi e aparau ia ratou, peneia‘e ia noaa mai te tahi haamaramaramaraa aore ra ia tamǎrûhia tei pohe a ore atu ai ratou ia haafifihia.

TA TE BIBILIA E PARAU RA

“Ua ite te feia e ora nei, e pohe ratou, aita râ a te feia i pohe ra e parau itea. . . . To ratou aroha e to ratou riri, e to ratou feii, [te mau mea atoa ta ratou i ite a ora ’i] ua mou ana‘e ïa.” (Koheleta 9:5, 6) Te haapii ra te Bibilia e ia pohe te taata, aita o ’na e ora faahou ra. Eita oia e nehenehe e feruri, e rave i te ohipa aore ra e haamori faahou i te Atua. Te parau ra te Salamo 115:17: “E ore hoi tei pohe e haamaitai . . . [i te Atua]; e te feia atoa e reva i raro i hade!”

Aita anei te mau parau a te feia tahutahu e tano i te tahi taime?

“E imi tia ’tu [te taata] i tei pohe i te parau o te taata ora?”—Isaia 8:19.

TA TE TAATA E PARAU RA

Te na ô ra vetahi e e nehenehe te feia tahutahu e faaite i te tahi haamaramaramaraa e o te feia pohe ana‘e e to ratou utuafare aore ra hoa tei ite.

TA TE BIBILIA E PARAU RA

Te faatia ra te Samuela 1, pene 28 e mea nafea to te arii taiva ra o Saula i te ofatiraa i te faaueraa a te Atua e opani ra ia farerei i te taata e rave i te peu tahutahu. Ua ani oia i te tauturu a te hoê vahine tahutahu no te aparau ia Samuela te tahi tavini o te Atua tei pohe. Ua aparau iho â anei teie vahine ia Samuela? Aita! Ua paraparau râ i tei rave i te hoho‘a o Samuela. O vai ïa tei na reira?

O te tahi varua ino, e rave ohipa hoi oia no te “metua no te haavare” o Satani. (Ioane 8:44) No te aha te mau varua ino aore ra demoni e hinaaro ai ia vare te rahiraa e e ora noa te taata i muri a‘e i te pohe? No te faaino i te Atua e ia ore te taata ia tiaturi i ta ’na Parau, te Bibilia.—Timoteo 2, 3:16.

Te auraa anei e eita tatou e farerei faahou i tei pohe? E ere roa ’tu! Te fafau ra te Bibilia e e tupu te tia-faahou-raa a muri a‘e no te feia e “taoto” ra i roto i te apoo. * (Ioane 11:11-13; Ohipa 24:15) A tiai noa ’i i tera taime, aita tatou e haapeapea e te mauiui ra te feia here i pohe i te tahi vahi.