Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

A ARA MAI NA! TENUARE 2014

 IA AU I TE BIBILIA

Iesu

Iesu

O Iesu anei te Atua?

“Aore e taata i ite i te Atua.”—Ioane 1:18.

TA TE TAATA E PARAU RA

No te rahiraa, e ere iho â o Iesu te Atua. Te faaohipa nei râ vetahi i te tahi mau irava e mana‘ohia ’i e ua faito Iesu i te Atua.

TA TE BIBILIA E PARAU RA

Aita te Bibilia e faataa ra ia Iesu mai te Atua Mana hope aore ra ua faito raua. Te haapii ra râ te Bibilia e ua iti a‘e Iesu i te Atua. Teie hoi ta Iesu i parau: “E rahi hoi tau Metua ia ’u.” (Ioane 14:28) Ua papai-atoa-hia: “Aore e taata i ite i te Atua.” (Ioane 1:18) E ere iho â ïa o Iesu te Atua i te mea e e rave rahi taata tei ite ia ’na.

Aita ta Iesu mau pǐpǐ matamua i parau noa ’‘e e o Iesu te Atua. No tei faatiahia i roto i ta ’na evanelia, ua na ô Ioane: “O teie râ tei papaihia, ia faaroo outou e, o Iesu te Mesia te Tamaiti a te Atua.”Ioane 20:31. *

 Eaha te mahana fanauraa o Iesu?

“E tiai mamoe tei . . . roto i te mau aua, i te tiairaa i ta ratou mau nǎnǎ i te mau araraa i te po.”—Luka 2:8.

TA TE TAATA E PARAU RA

Te faatupu nei vetahi i te Noela i te 25 no Titema ma te mana‘o e tera te mahana fanauraa o Iesu. Te na reira nei te tahi atu i te haamataraa o te ava‘e Tenuare.

TA TE BIBILIA E PARAU RA

Aita te Bibilia e faaite ra i te mahana fanauraa o Iesu. No te taime râ i fanauhia ’i o ’na, te na-ô-hia ra: “E tiai mamoe tei . . . roto i te mau aua, i te tiairaa i ta ratou mau nǎnǎ i te mau araraa i te po.” (Luka 2:8) Mea maere roa râ ia parau e tei rapaeau tera mau tiai mamoe no te haapao i ta ratou nǎnǎ i te tahi po i Titema e Tenuare. No te aha?

I te fenua i fanauhia ’i Iesu, e tau toetoe roa tera na ava‘e. Ia au i te Bibilia, no te reira te taata e rûrû ai i “te ûa rahi” e “e ore . . . e tia ia parahi noa i rapae.” (Ezera 10:9, 13; Ieremia 36:22) E ere ïa Titema e Tenuare i te taime no “te tiairaa” i te mau nǎnǎ i rapae.

Ua tia faahou mau anei Iesu mai te pohe mai?

“[O Iesu] ta te Atua i faatia mai te pohe maira.”—Ohipa 3:15.

TA TE TAATA E PARAU RA

No vetahi, eita roa te taata e nehenehe e faatiahia mai te pohe mai. Mai tera atoa ïa no Iesu.

TA TE BIBILIA E PARAU RA

Ua faaite Iesu i ta ’na mau pǐpǐ e e hamani-ino-hia o ’na e “e taparahi-pohe-roa-hia hoi, e e faatia-faahou-hia oia ia tae i te rui toru.” (Mataio 16:21) Tera iho â tei tupu. I muri a‘e râ, te parau ra te Bibilia e ua fa oia i mua hau atu e 500 tiahapa taata. (Korinetia 1, 15:6) No tei ite ia Iesu, ua papu ia ratou e ua faatiahia oia mai te pohe mai. Aita ïa ratou i mǎta‘u i te pohe no tera tiaturiraa!—Ohipa 7:51-60; 12:1, 2.

TE FAUFAARAA IA ITE

Ia au i te Bibilia e fana‘o te huitaata i te ora i roto i te paradaiso i te fenua nei maoti te pohe e te tia-faahou-raa o Iesu. (Salamo 37:11, 29; Apokalupo 21:3, 4) Te mauruuru nei ïa tatou ia Iesu e to ’na Metua, te Atua Mana hope ra o Iehova. No to raua hoi here i nehenehe ai te taata e tiaturi faahou e ora e a muri noa ’tu i roto i te paradaiso i te fenua nei ma te oaoa.—Ioane 3:16; Roma 6:23.

^ par. 7 Aita te Bibilia e haapii ra e e vahine mau ta te Atua tei fanau i te tamarii Na ’na. E parauhia râ Iesu “te Tamaiti a te Atua” no te mea na te Atua iho i poiete ia ’na e e mau huru maitatai to ’na mai to to ’na Metua.