Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

A ARA MAI NA! TENUARE 2014

 MEA POIETEHIA ANEI?

Te ravea haaputu haamaramaramaraa o te ADN

Te ravea haaputu haamaramaramaraa o te ADN

IA FAAOHIPA e rave rahi i te matini roro uira, mea rahi ïa te mau haamaramaramaraa e haaputuhia a nehenehe atu ai te taata e hi‘o faahou i te reira ia hinaarohia. Te tiaturi nei te mau aivanaa e taui i te mau ravea haaputuraa haamaramaramaraa o teie tau ma te hamani i te tahi faanahoraa i au i ta te Atua i tuu i roto i te mau mea ta ’na i poiete, oia hoi te ADN.

A hi‘o na: Tei roto te ADN i te mau tao‘a tahi ora. E nehenehe te reira e haaputu tau miria haamaramaramaraa. Te na ô ra Nick Goldman no te pu European Bioinformatics: “E nehenehe ta matou e rave mai i te reira i roto i te mau ivi o te mau elefani tahito . . . e e faataa i te mau haamaramaramaraa o te reira. Mea haihai roa e meumeu atoa te ADN, e ere i te mea ohipa rahi ia haaputu, mea ohie roa ïa ia hapono e ia haapao i te reira.” E nehenehe anei te ADN e haaputu i te tahi haamaramaramaraa a te taata? Te pahono ra te feia hi‘opoa, e.

Mai te faanahoraa haaputu haamaramaramaraa o te tahi matini uira, ua amui te mau aivanaa i te ADN e te tahi hoho‘a, ohipa haruharuhia e parau tapaohia. I nia i te faito 100, ua nehenehe te feia hi‘opoa e taa maitai eaha te auraa o te mau haamaramaramaraa i haaputuhia. No te mau aivanaa, e nehenehe e faaohipa i tera ravea, e rave mai ïa 1 tarama o te ADN hamanihia e te taata, no te haaputu i te mau haamaramaramaraa i roto hau atu e 3 000 000 CD. E tia atoa ia haaputu i te reira e hanere e peneia‘e tausani matahiti. Te tanoraa mau, e nehenehe tera faanahoraa e haaputu i te mau haamaramaramaraa uira o te ao atoa nei. No reira e parauhia ’i e o te ADN “te tao‘a haaputu haamaramaramaraa puai roa ’‘e.”

Eaha to oe mana‘o? Mea tupu noa anei te ravea haaputuraa haamaramaramaraa o te ADN? Aore ra mea poietehia anei?