Eaha to roto?

Mau faaho'iraa ê

Tapura tumu parau

Ite no Iehova

Tahiti

Te feia pohe: E nehenehe anei e tauturu aore ra e hamani ino mai? Te ora noa ra anei ratou?

Te hoê a muri a‘e faahiahia mau

Te hoê a muri a‘e faahiahia mau

Fatata roa te tau eita faahou o Satani e te mau demoni e ohipa mai

Eita o Satani e ta ’na mau demoni e haavare maoro atu â i te huitaata. Ua huri ê na Iehova ia ratou mai te ra‘i mai. (Apokalupo 12:9) Fatata roa te taime e tairi faahou ai te Atua ia Satani e ta ’na mau demoni. I roto i te hoê orama no ǒ mai i te Atua, ua parau te aposetolo Ioane: “Ite atura vau i te hoê melahi i te pouraa mai te ra‘i mai, e fifi auri rahi e te taviri o te abuso tei to ’na rima. Haru ihora oia i te teni, te ophi i tahito ra, oia hoi te Diabolo ra o Satani, e taamu ihora ia ’na i te fifi 1 000 matahiti. Huri atura oia ia ’na i roto i te abuso e opani atura e tamau ihora i te reira i te tapao taati, ia ore o ’na ia haavare faahou i te mau nunaa e ia hope roa ’tu na 1 000 matahiti.” (Apokalupo 20:1-3) I muri a‘e, e haamou-roa-hia te Diabolo e ta ’na mau demoni.—Apokalupo 20:10.

E na reira-atoa-hia i nia i te mau taata iino i nia i te fenua.—Salamo 37:9, 10; Luka 13:5.

 E ora faahou mai te feia pohe!

E tia faahou mai te feia pohe i nia i te fenua nei

Fatata roa te tau eita faahou o Satani e ta ’na mau demoni e ohipa mai. I muri a‘e, e faatupu Iehova i e rave rahi mau haamaitairaa i nia i te huitaata. E haamana‘o outou e aita e ora to te feia pohe. Ua faaau Iesu i te pohe i te taoto, i te hoê taoto hohonu aita e moemoeâ. (Ioane 11:11-14) Ua na reira o ’na no te mea ua ite o ’na e e tae i te hoê tau, e ara mai te feia o te taoto ra i roto i te pohe. Ua parau oia: “Ua fatata te hora . . . te feia atoa i roto i te menema . . . [i te] haere mai ai i rapae.”—Ioane 5:28, 29; a hi‘o i te Ohipa 24:15.

E faatia-faahou-hia mai ratou i ǒ nei i nia i te fenua nei. Aita faahou e parau faaara e ua pohe te tahi, e mau parau oaoa noa râ no te faaite e ua faatiahia mai te tahi! Auê ïa oaoa e i te fariiraa i tei herehia tei faatia-faahou-hia mai!