Eaha to roto?

Mau faaho'iraa ê

Tapura tumu parau

Ite no Iehova

Tahiti

Te feia pohe: E nehenehe anei e tauturu aore ra e hamani ino mai? Te ora noa ra anei ratou?

A tavini ia Iehova, eiaha ia Satani

A tavini ia Iehova, eiaha ia Satani

E tia ia tatou paatoa ia maiti. E tavini tatou ia Iehova aore ra e tavini tatou ia Satani e ta ’na mau demoni. E mea tia ia maiti o vai ta tatou e tavini. E faaotiraa î i te paari ia maiti tatou e tavini ia Iehova!

Mea maitai mau â o Iehova

Mai ta tatou i ite mai, mea au roa na te mau demoni ia haamauiui e ia haavare i te taata. E ere Iehova mai tera. Mea here na ’na i te huitaata mai te hoê metua tane e here ra i ta ’na mau tamarii. Na ’na i horoa mai i “te mau ô maitatai atoa e te mau mea tia roa i hohia mai.” (Iakobo 1:17) E horoa Iehova i te mau mea maitai atoa na te huitaata, noa ’tu eaha ta te reira e titau ia ’na.—Ephesia 2:4-7.

Ua faaite o Iesu, te Tamaiti a te Atua, i to ’na here i te taata ma te faaora i tei roohia i te ma‘i

A haamana‘o na i te mau ohipa maitatai ta Iesu, te Tamaiti a te Atua, i rave i nia i te fenua nei. Ua faaora oia i te vava e te matapo. Oia atoa te feia lepera e te pirioi. Ua tiavaru oia i te mau demoni e ua faaora oia i te mau taata tei roohia i e rave rau huru ma‘i. Maoti te puai o te Atua, ua faatia atoa Iesu i te feia pohe.—Mataio 9:32-35; 15:30, 31; Luka 7:11-15.

E faaite noa te Atua i te parau mau. Eita roa ’tu oia e haavare i te tahi noa ’‘e taata.—Numera 23:19.

 A haapae i te mau peu viivii

Mai te hoê ra‘o tei mau maitai i nia i te hoê puaverevere, te vai ra e mirioni taata o te ore roa ’tu e nehenehe e faatiamâ ia ratou i te mau peu tupapau e te haavare. Mea mǎta‘u na ratou i te taata pohe. Oia atoa i te mau demoni. E haapeapea noa ratou no nia i te mau pifao, te mau imi tapao, te mau tao‘a manamana e te mau taritoa. Na te mau tiaturiraa e peu tumu niuhia i nia i te mau haavare a Satani te Diabolo e aratai ia ratou. Aita te mau tavini a te Atua e hema ra i te hoê noa ’‘e o teie mau huru raveraa.

Mea puai roa ’‘e Iehova ia Satani. Mai te peu e e tavini outou ia Iehova, e paruru mai oia ia outou i te mau demoni. (Iakobo 4:7) Eita outou e haafifihia e te pifao. Ei hi‘oraa, i te fenua Nigéria, ua pifao e toru tahu‘a puai i te hoê Ite no Iehova no te haapohe ia ’na. Aita hoi tera Ite no Iehova i hinaaro e faarue i te oire. Aita râ te pifao i manuïa. Ua mǎta‘u atura hoê o nau tahu‘a, ua haere atura oia e farerei i te Ite no Iehova e ua tatarahapa ’tu.

Ua tutui te mau taata no Ephesia i ta ratou mau buka tahutahu

Ia haafifi noa mai te mau demoni ia outou, e nehenehe outou e tiaoro i te i‘oa o Iehova e na ’na e paruru ia outou. (Maseli 18:10) Tera râ, no te fana‘o i te parururaa a te Atua, e mea tia ia haapae roa i te mau ohipa atoa niuhia i nia i te ohipa tahutahu e te haamoriraa demoni. Ua na reira te mau taata haamori i te Atua i Ephesia i tahito ra. Ua haaputuputu a‘era ratou i ta ratou mau buka tahutahu e ua tutui a‘era ratou i te reira i te auahi. (Ohipa 19:19, 20) E mea tia ia na reira atoa te mau tavini a te  Atua i teie mahana. A faarue i te mau tao‘a manamana, te mau taritoa, te mau tao‘a rii parauhia e “e paruru” mai, te mau buka tahutahu e te mau mea atoa niuhia i nia i te mau peu tahutahu.

A turu i te haamoriraa mau

No te faaoaoa i te Atua, eita e navai ia faarue i te haamoriraa hape e ia faaea i te rave i te mau ohipa iino. E mea tia atoa râ ia turu i te haamoriraa viivii ore ma te itoito rahi. Te faaite ra te Bibilia eaha ta te reira e titau ra:

A apiti atu i te mau putuputuraa Kerisetiano.—Hebera 10:24, 25

A haapii mai i te Bibilia.—Ioane 17:3

A poro i te tahi atu mau taata.—Mataio 24:14

A pure ia Iehova.—Philipi 4:6, 7

Ia bapetizohia outou e tia ’i.—Ohipa 2:41

 A apiti atu i te mau Ite no Iehova

I nia i te fenua nei, te vai ra te mau taata o te turu ra ia Satani e i te mau demoni. Te haapii e te rave ra ratou i te mau ohipa hape. E nunaa atoa râ to Iehova. O te mau Ite no Iehova ïa. (Isaia 43:10) Ua hau atu ratou i te hitu mirioni na te fenua taatoa nei. Te haa rahi nei ratou pauroa no te rave i te mau ohipa maitatai e no te haapii atu i te parau mau i te taata. I te rahiraa o te mau fenua, e nehenehe outou e farerei ia ratou i te Piha o te Basileia, i reira ratou e farii maitai ai ia outou.

Te haa nei ratou no te tauturu ia vetahi ê ia tavini i te Atua. E haapii atu ratou i te Bibilia i ǒ outou ma te tauturu atu ia haapii e nafea ia haamori ia Iehova ma te tano. Mea tamoni ore te reira. Mea oaoa na te mau Ite no Iehova ia haapii atu i te parau mau no te mea mea here na ratou i te taata e ia Iehova.

E tauturu te mau Ite no Iehova ia outou ia tavini i te Atua