Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Te Faleleoleo Maluga  |  Ianuali 2015

Tali ki Fesili Mai te Tusi Tapu

Tali ki Fesili Mai te Tusi Tapu

Se a te mea ne fakamalosi atu ki tino e tokouke ke toe mafau‵fau ki te ola tonu o te Mafuaga?

E a, e se fakaofoofogia a te ola?

I se 3,000 tausaga ko ‵teka, ne tusi mai se tino fai fakamunaga: ‘Ne faite ne koe a mea katoa i toku foitino i se auala fakaofoofogina kae gali.’ (Salamo 139:14) Kafai e mafaufau koe ki te tupuakaga o se pepe mai i se sela e tasi, e a, e se fai ei ke ofo malosi koe? E tavae atu a tino katoa ki te Mafuaga, telā ne faite ne ia a mea ola katoa.—Faitau te Salamo 139:13-17; Epelu 3:4.

A te Tino ne faite ne ia a te iunivesi kae fai foki ne ia te lalolagi ke ‵nofo i ei a tino, ne faite foki ne ia te ola. (Salamo 36:9) Ne fesokotaki mai a ia ki tino kae fai mai foki ne ia a mea e uiga ki a ia.—Faitau te Isaia 45:18.

E mata, ne māfua mai tatou i manu?

E uke eiloa a mea likiliki e tai ‵pau ei ‵tou foitino mo foitino o manu. Kae e fai penei me ne faite eiloa a tino mo manu ne te Mafuaga ke ‵nofo i te lalolagi. Ne seki faite ne ia te tagata muamua mai i se manu, kae mai te laukele.—Faitau te Kenese 1:24; 2:7.

E lua a auala tāua e ‵kese ei a tino mai manu. Muamua la, e maua ne tino a te atamai ke iloa, alofa, kae āva ki te Mafuaga. A te lua, ne seki faite a manu ke ola ki te se-gata-mai, kae ne fai eiloa penā a tino. Kae nei la, ko ‵mate a tino katoa ona ko te mea ne ‵teke atu te tagata muamua ki te takitakiga a te Mafuaga.—Faitau te Kenese 1:27; 2:15-17.