E o‵mai matou mai i te fia selau o matakāiga mo ‵gana valevale, kae e ‵kau fakatasi matou mo te fealofani ona ko te ‵pau o omotou fakamoemoega. E sili atu i ei, e fia fakaaloalo atu matou ki a Ieova, te Atua o te Tusi Tapu mo te Mafuaga o mea katoa. E fai ne matou te ‵toe mea e mafai o fai ke fakaakoako atu ki a Iesu Keliso kae e fakamata‵mata eiloa matou ke fakaigoa ki Kelisiano. E fakaaoga faeloa ne matou katoa motou taimi ke fesoasoani atu ki tino ke tauloto e uiga ki te Tusi Tapu mo te Malo o te Atua. Ona ko te mea e molimau, io me e fai‵pati atu matou e uiga ki a Ieova te Atua mo tena Malo, e lauiloa ei matou e pelā me ko Molimau a Ieova.

Ke onoono ki te motou fakatuatusi i te itaneti. Ke faitau ki te Tusi Tapu i te itaneti. Ke tauloto ki mea e uke atu e uiga ki a matou mo omotou talitonuga.