“E mata, e mafai o tumau māua i te tausaga muamua o te mā fakaipoipoga?” E iku atu faeloa mā sau‵talaga ki kinauga—ne a mea e mafai ne māua o fai ke fakagata te mea tenā?” “E faipati atu pefea au ki aku tama‵liki e uiga ki faifaiga fakatauavaga?” E mafai eiloa o uke a fesili a tauavaga e pelā mo te uke o tusi fesoasoani kolā e tuku mai i ei a tali.

Faitalia tou tupuakaga io me ko tuu, ka iloa aka ne koe me e tuku mai i te Tusi Tapu a manatu fesoasoani aoga kolā e mafai o momea aka ei te ‵lei o tou olaga avaga mo fesoasoani ki te putiakaga o au tama‵liki.