Salamo 139:1-24

  • E iloa faka‵lei ne te Atua ana tavini

    • E se mafai o ‵sao mai te agaga o te Atua (7)

    • “Au ne faite i se auala fakaofoofogia” (14)

    • ‘Ne lavea ne koe au e pelā me se pepe e seki fanau’ (16)

    • “Takitaki atu au i te auala ki te se-gata-mai” (24)

Ki te takitaki o te kau fai pese. Ko te salamo a Tavita. Se pese. 139  Ieova, ne iloilo ne koe au, kae ko iloa ne koe au.+   E iloa ne koe te taimi e sagasaga ei au ki lalo mo te taimi e tu aka ei au ki luga.+ E iloa ne koe oku mafaufauga mai i se koga ‵mao.+   E kilokilo mai koe ki a au i te taimi e faimalaga ei au mo te taimi e takato ei au ki lalo;E masani ‵lei koe mo oku auala katoa.+   E seai eiloa se pati i toku gutu,Kae kiloke! Ko leva ne iloa ‵lei ne koe te mea tenā, e Ieova.+   Ne fakatamilo ne koe au i oku tua mo oku mua;Kae ne tuku mai ne koe tou lima i luga i a au.   A te vaegā iloaga tenā e se mafai o oko ki ei toku malamalama.* Ko tō maluga ke oko atu au ki ei.*+   Tefea te koga ka sao ei au mai tou agaga,Kae tefea te koga ka tele kea‵tea au ki ei mai i ou mata?+   Kafai e fanaka au ki te lagi, e nofo koe i konā,Kae kafai e fakatoka ne au toku moega i te Tanuga,* kiloke! e nofo koe i konā.+   Kafai e eva kea‵tea au i kapakau o te vaveaoO nofo i te ‵toe koga ‵mao eiloa o te tai, 10  E takitaki au ne tou lima i te koga tenāKae puke mai tou lima fakaatamai ki a au.+ 11  Kafai e fai aka au: “E tonu, ka ufi au ne te pouliga!” Tenā ko fai ei te po i oku tafa e pelā me se mainaga. 12  A te pouliga ka se tō pouli ki a koe,Kae ko te po ka maina eiloa e pelā me se ao;+A te pouliga e ‵pau eiloa mo te mainaga ki a koe.+ 13  Me ne faite ne koe oku nonu; Ne ‵funa faeloa ne koe au i loto i te moegatama o toku mātua.+ 14  E ‵viki atu au ki a koe me i a au ne faite i se auala fakaofoofogia.+ Au galuega e fakaofoofogia,+E iloa ‵lei ne au te mea tenei. 15  A oku ivi ne seki ‵funa mai i a koeI te taimi ne faite ei au i se auala ‵funa,I te taimi ne tupu aka ei au i loto i te moegatama o toku mātua.+ 16  Ne kilo mai ou mata ki a au e pelā me se pepe e seki fanau;Ana vaega katoa ne tusi i loto i tau tusiE uiga ki aso ne faite ei a mea konā,Kae koi tuai o ola mai latou. 17  Tela la, ki a au loa, ko oko eiloa i te tāua o ou mafaufauga!+ Te Atua, ko oko eiloa i te lasi o te aofaki o mea konā!+ 18  Ne taumafai au o lau aka, kae e uke atu a mea konā i one.+ I te taimi ne ala aka ei au, koi ‵nofo eiloa au mo koe.*+ 19  Te Atua, moi ne tamate atu eiloa ne koe a te tino amio masei!+ Tenā ko olo ei kea‵tea mai i a au a tāgata fakasaua, 20  Ko latou kolā e fai‵pati ne latou a mea e uiga ki a koe ona ko olotou manakoga matagā;*A latou ko ou fili kolā e fakaaoga ne latou a tou igoa i se auala sē ‵tau.+ 21  Ea, e se takalialia au ki a latou kolā e takalia‵lia ki a koe, e Ieova,+Kae takalialia ki a latou kolā e ‵teke atu ki a koe?+ 22  Ko oko eiloa i toku takalialia ki a latou;+Ko fai latou e pelā me ne fili ‵tonu o oku. 23  Iloilo mai au, e te Atua, kae fai ke iloa ne koe toku loto.+ Sukesuke mai au, kae fai ke iloa ne koe a mea e manavase au ki ei.+ 24  Kae onoono māfai e isi se manakoga masei i loto i a au,+Kae takitaki atu au+ i te auala ki te se-gata-mai.

Fakamatalaga mai lalo

Io me “ko tō fakaofoofogia ki a au.”
Io me “ko tō uke ke malamalama au i ei.”
Io me “Seoli,” telā ko te tanuga masani o tino. Onoono ki te FP.
Io me kāti, “Koi lau eiloa ne au a mea konā.”
Io me “e ‵tusa mo te lotou manatu.”