Kenese 2:1-25

  • Ko malōlō te Atua i te fitu o aso (1-3)

  • Ieova te Atua, ko te Atua telā ne faite ne ia te lagi mo te lalolagi (4)

  • Te tagata mo te fafine i te fatoaga o Etena (5-25)

    • Ko faite te tagata mai te ‵pefu (7)

    • Te lakau o te iloaga telā e tapu (15-17)

    • Te faitega o te fafine (18-25)

2  Tenā ne palele ei te faitega o te lagi mo te lalolagi, e pelā foki mo mea katoa* i ei.+  Kae i te fitu o aso ne oti ei a galuega a te Atua kolā ne fai,* kamata ei o malōlō a ia i te fitu o aso mai i ana galuega katoa kolā ne fai.*+  Ne fakamanuia ne te Atua te fitu o aso kae fakatapu* ne ia, me tenā te aso ne malōlō ei a te Atua mai i galuega katoa a ia ne fai, ko mea katoa kolā ne fuafua ne ia ke fai.  Tenei te tala fakasolopito o te lagi mo te lalolagi i te taimi ne faite i ei, i te aso telā ne faite ei ne Ieova* te Atua a te lalolagi mo te lagi.+  E seki ai ne vao lakau i te laukele, kae seki ai foki ne lakau kaina kai ola aka i te laukele, me ne seki ai ne vaiua ne faka‵to ifo ne Ieova te Atua ki luga i te laukele, kae seki ai foki se tagata ke galue ne ia te laukele.  Kae ne fanaka te ‵sau* mai te laukele kae fakasiusiu ei te laukele kātoa.  Ne faite ne Ieova te Atua a te tagata mai te ‵pefu+ o te laukele kae ‵pusi atu ki ana puisu a te mānava ola,+ kae ne fai ei a te tagata mo fai se tino ola.+  E se gata i ei, ne ‵toki ne Ieova te Atua se fatoaga i Etena,+ i te feitu ki saegala; kae ne tuku atu ne ia ki ei a te tagata telā ne faite ne ia.+  Ne fai ne Ieova te Atua ke ola aka mai te laukele a lakau katoa kolā e ‵gali i te kilo kae ‵lei foki i te kai, kae penā foki mo te lakau o te ola+ i te kogaloto o te fatoaga, mo te lakau telā e iloa ei a te mea ‵lei mo te mea masei.+ 10  Kae e isi se vaitafe e ‵tafe mai i te fatoaga o Etena ke fakasiusiu ki ei te fatoaga, kae mai konā ne ‵vae aka ei ki vaitafe e fa. 11  A te igoa o te vaitafe muamua ko Pisona, telā e ‵tafe fakatamilo i te kogā fenua kātoa o Havila, kae e maua i ei te aulo. 12  E gali a te aulo i te fenua tenā. E maua foki i ei a te pulukau ko te peliuma* mo te fatu ko te onika. 13  A te igoa o te lua o vaitafe ko Kaiona; e ‵tafe fakatamilo i te fenua kātoa o Kusi. 14  A te igoa o te tolu o vaitafe ko Taikelise;*+ e ‵tafe i te feitu ki saegala o Asulia.+ Kae ko te fa o vaitafe ko te Eufilate.+ 15  Ne puke ne Ieova te Atua te tagata kae tuku atu ke nofo i te fatoaga o Etena, ke galue kae tausi atu ki ei.+ 16  Ne tuku atu foki ne Ieova te Atua te fakatonuga tenei ki te tagata: “E mafai ne koe o kai ki lakau katoa i loto i te fatoaga ke makona koe.+ 17  Kae e pelā mo te lakau telā e iloa ei a te mea ‵lei mo te mea masei, e se ‵tau mo koe o kai ki ei, me i te aso telā e kai ei koe ki ei, a koe ka mate eiloa.”+ 18  Tenā ne fai atu ei a Ieova te Atua: “E se ‵lei ke nofo tokotasi faeloa a te tagata i a ia eiloa. Ka faite nei ne au se tino ke fesoasoani ki a ia, ke fai mo fai sena soa.”+ 19  Kae i te taimi tenei, ko oti ne faite ne Ieova te Atua mai te laukele a manu katoa o te vao, mo manu eva katoa o te lagi, kae ne kamata o aumai ne ia ki te tagata ke onoono aka me ne a igoa ka fakaigoa ne ia ki ei a manu takitasi konā, kae ko so se igoa ne fakaigoa ne te tagata ki ei a manu takitasi konā, ne fai eiloa mo fai olotou igoa.+ 20  Tenā ne fakaigoa ei ne te tagata a manu ‵lata katoa mo manu eva katoa o te lagi mo manu katoa o te vao, kae ko te tagata e seai sena fesoasoani, ke fai mo fai sena soa. 21  Ne fai ne Ieova te Atua ke moe palapala a te tagata, kae i te taimi ne moe ei a ia, ne puke ne ia se ivi kasokaso e tasi kae toe ‵pono ne ia a ‵kano i te koga telā ne tata mai i ei. 22  Kae ne faite ne Ieova a te fafine mai te ivi kasokaso telā ne puke mai ne ia mai te tagata, kae aumai ne ia te fafine ki te tagata.+ 23  Tenā ne fai aka ei te tagata: “Tenei eiloa fatoa maua se ivi mai oku iviMo ‵kano mai oku ‵kano. Ka fakaigoa a te tino tenei ki te Fafine,Me ne maua mai a ia i te tagata.*+ 24  Tenā te pogai ka tiaki ei ne te tagata tena tamana mo tena mātua kae ka ‵piki ‵mau a ia ki* tena avaga, kae ka fai lāua mo fai se foitino e tasi.+ 25  Kae ne ‵nofo fuafua+ a lāua, te tagata mo tena avaga; kae ne seki ‵ma lāua i ei.

Fakamatalaga mai lalo

Epelu, “lotou kautau katoa.”
Io me “faite.”
Io me “faite.”
Io me “faka‵malu.”
Tenei te taimi muamua ke sae mai ei te igoa totino kae tu ‵kese o te Atua, יהוה (YHWH). Onoono ki te MF A4.
Io me “ko te afusaga vai.”
A te peliuma se pulukau manogi gali telā e maua mai nisi lakau.
Epelu, “Hitekelu.”
E tai ‵pau eiloa a te pati ‘tagata’ mo te pati ‘fafine’ i te ‵gana Epelu. A te pati ‘Tagata’ ko te ishʹ, kae ko te pati ‘Fafine’ ko te ishshahʹ.
Io me “‵nofo fakatasi mo.”