Salamo 36:1-12

  • Te alofa fakamaoni o te Atua telā e tāua

    • A te tino amio masei e se mataku ki te Atua (1)

    • Te Atua, te pogai o te ola (9)

    • “E auala i tou mainaga e mafai ei o lavea ne matou te mainaga” (9)

Ki te takitaki o te kau fai pese. Ko te salamo a te tavini a Ieova ko Tavita. 36  A te solitulafono e faipati ki te ‵kano loto o te tino amio masei;E seai eiloa se mataku ki te Atua i ana mata.+   Me ko tō tavae malosi ne ia a ia eiloaKo se mafai ei o iloa ne ia tena mea ‵se kae takalialia ki ei.+   A pati i tena gutu ne pati fakalogo‵mae kae fakaloiloi;E se ‵loto te malamalama e fakaasi mai ne ia ke fai se mea ‵lei.   E fakatoka ne ia a togafiti fakalogo‵mae i luga eiloa i tena moega. Ko fanatu a ia i te auala telā e se ‵lei;E se ‵teke a ia ki te mea masei.   Ieova, a tou alofa fakamaoni e oko atu eiloa ki te lagi,+A tou fakamaoni e oko atu eiloa ki kaumana.   A tou amiotonu e pelā mo mauga fakaofoofogia;*+ Au fakamasinoga e pelā mo vai ‵lasi kae ‵poko.+ E tausi* ne koe a te tagata e penā foki eiloa mo te manu fekai, e Ieova.+   Ko oko eiloa i te tāua o tou alofa fakamaoni, e te Atua!+ I lalo i malūga o ou kapakau,E faka‵lafi ki ei a tama a tāgata.+   E inu latou ke ma‵kona mai i maumea e uke o tou fale,+Kae e fai ne koe latou ke inu ki vaitafe o tou fiafia.+   A koe ko te pogai o te ola;+E auala i tou mainaga e mafai ei o lavea ne matou te mainaga.+ 10  Tumau i te fakaasi atu o tou alofa fakamaoni ki a latou kolā e iloa ne latou a koe,+Mo tou amiotonu ki tino fai mea ‵tonu i olotou loto.+ 11  Sa taliagina a te vae o te tino fakamaualuga ke lakalaka ne ia auIo me ko te lima o te tino amio masei ke afuli ne ia au kea‵tea. 12  Tenā te koga ne ‵siga i ei a tino fai mea ‵se;Ne ‵siga latou ki lalo kae ko se mafai o ‵tu aka ki luga.+

Fakamatalaga mai lalo

Epelu, “e pelā mo mauga o te Atua.”
Io me “fakaola.”