Ki te Kau Epelu 3:1-19

  • Sili atu Iesu i a Mose (1-6)

    • Faite a mea katoa ne te Atua (4)

  • Fakaeteete i te sē lava o te fakatuanaki (7-19)

    • “I te aso nei, kafai e faka‵logo koutou ki tena leo” (715)

3  Tela la, e oku taina tapu, kolā e aofia i te kalagaga ki te lagi,*+ ke mafau‵fau koutou ki te apositolo mo te faitaulaga sili telā e fakailoa* atu ne tatou​—ko Iesu.+  Ne fakamaoni a ia ki te Atua telā ne fakasopo ne ia a ia,+ e pelā eiloa mo te fakamaoni o Mose i loto i te fale o te Atua tenā.+  Me e ‵tau o sili atu tena* ‵malu+ i lō Mose, e pelā eiloa mo te tino telā ne faite ne ia se fale e tāua atu i lō te fale.  Se mea tonu i fale katoa ne faite ne se tino, kae ko te tino telā ne faite ne ia a mea katoa ko te Atua.  A Mose ne fakamaoni e pelā me se tavini i te fale o te Tino tenā e pelā me se fakamaoniga* o mea kolā ka faipatigina fakamuli,  kae ko Keliso ne fakamaoni e pelā me se tama+ i te fale o te Atua. A tatou ko Tena fale,+ māfai e puke ‵mau tatou ki te ‵tou saolotoga o fai‵pati atu mo te fakamoemoega telā e fai‵pati fakamata‵mata tatou ki ei ke oko eiloa ki te fakaotiga.  Tela la, e pelā eiloa mo pati konei a te agaga tapu,+ “I te aso nei, kafai e faka‵logo koutou ki tena leo,  sa loto ma‵keke e pelā mo te taimi ne fai ei au ne otou tupuga ke kaitaua malosi, i te aso ne tofotofo ei au ne latou i te koga lavaki,+  i te koga ne tofotofo ei au ne latou faitalia eiloa me ne lavea ne latou aku galuega ‵mana i tausaga e 40.+ 10  Tenā eiloa te pogai ne takalialia ei au ki te kautama tenei kae fai atu: ‘E ‵sipa faeloa kea‵tea olotou loto, kae e seki iloa ne latou oku auala.’ 11  Tela la, au ne tauto i toku kaitaua: ‘Ka se ulu atu eiloa latou ki loto i toku koga malōlō.’”+ 12  Ke fakaeteete koutou, e oku taina, ke mo a ma tupu aka se mea masei i te loto o se tino i a koutou e aunoa mo te fakatuanaki mai te fano kea‵tea mai te Atua ola;+ 13  kae ke tumau i te fakatau fakamalosi atu te suā tino ki te suā tino i aso takitasi, koi tuai o oti atu te “Aso nei,”+ ko te mea ke mo a se tino i a koutou e fakamakeke tena loto ne te malosi fakaloiloi o te agasala. 14  Me ka ‵kau fakatasi eiloa a tatou mo Keliso māfai fua e taofi ‵mau tatou ki ‵tou loto talitonu ne maua i te kamataga ke oko eiloa ki te fakaotiga.+ 15  E pelā eiloa mo pati konei: “I te aso nei, kafai e faka‵logo koutou ki tena leo, sa loto ma‵keke e pelā mo te taimi ne fai ei au ne otou tupuga ke kaitaua malosi.”+ 16  Ko oi ne lagona ne latou kae fai ke kaitaua malosi a ia? E a, e se ko latou katoa kolā ne o‵mai ki tua mo Aikupito mai lalo i a Mose?+ 17  E se gata i ei, ko oi ne takalialia ki ei te Atua i tausaga e 40?+ E a, e se ko latou kolā ne agasala, kolā ne tafola valevale olotou foitino ‵mate i te koga lavaki?+ 18  Kae ko oi ne tauto te Atua ke se ulu atu ki loto i tena koga malōlō? E se ko latou kolā ne seki faka‵logo? 19  Tela la, e lavea ne tatou me ne seki mafai o ulu atu latou ki loto ona ko te sē lava o te fakatuanaki.+

Fakamatalaga mai lalo

Io me “‵kamiga.”
Io me “fakaasi ‵tonu.”
Telā ko Iesu.
Io me “molimau.”