Hen Titu 2:1-15
2 Kpa we yô, ôron kwagh u a zough sha ityesen i wang* la her.+
2 Mba ve lu mbaganden la ve eren kwagh akuma akuma, ve̱ de lu mba wan ahumbe ga, ve̱ eren kwagh sha kwaghfan,* ve̱ lu mba nan jighjigh taveraa shi ve̱ tesen dooshima shi ve̱ waan ishima.
3 Kasev mba ganden kpa ve̱ eren kwagh sha icivir, ve̱ de lu mba vihin ior iti ga, ieren i man msôrom* kpishi la i̱ de ye tor ken a ve ga, ve̱ lu mba tesen kwagh u dedoo,
4 sha er vea fatyô u wan kasev mba kiriki kwagh yô, ér ve̱ soo noov vev shi ônov vev ve̱ doo ve ishima,
5 ve̱ eren kwagh sha kwaghfan,* ve̱ lu wang, ve̱ eren ityom i hen ya,* ve̱ lu a inja i dedoo, ve̱ ungwan noov vev,+ sha er a lam sha loho u Aôndo dang ga yô.
6 Agumaior kpaa, waan ve kwagh wer ve̱ eren kwagh sha kwaghfan.*+
7 Veren ikyav i dedoo sha hanma gbenda cii. Tesen kwagh u wang* a asenge shio,+
8 kwaghôron wou a lu u wang* u a fatyô u puun ga yô,+ sha er mba ve hendan a vese la vea va ahenge, vea zua a kwagh u bo* môm u vea ôr sha a vese ga yô.+
9 Mba ve lu ikpan yô, ve̱ wa ayol a ve sha ikyev i mbavesen vev sha hanma kwagh cii,+ ve̱ keren u eren ishima i mbavesen vev, ve̱ de kenden ve imo ga,
10 ve̱ de iin ve ga,+ kpa ve̱ tesen sha hanma gbenda cii ér mba a mimi iyol, nahan sha hanma gbenda cii vea na ityesen i Aôndo, Oryiman wase, ia seer doon ior ishima.+
11 Gadia erdoo u hemban u Aôndo la due ken igbar, ngu van a myom sha ci u ior cii.+
12 Erdoo ne ka a tese se u vendan hanma kwagh u a lu sha ishima i Aôndo ga yô, kua asaren a taregh,+ shi a tese se u eren kwagh sha kwaghfan* man u eren perapera man u civir Aôndo ken tar* u se lu ker hegen,+
13 se lu keghen akaa a nan se msaanyol a se lu veren ashe a mi ne;+ kua shighe u iengem i Aôndo u ageegh ia due ken igbar, man i Oryiman wase Yesu Kristu,
14 u a ne iyol na+ sha u paan se+ ken hanma inja i tindi u peren cii, shi a wanger nongoior sha ci na iyol na, ve lu kwagh na u ishima ishima, ve lu eren ityom i dedoo sha gbashima la.+
15 Za hemen u ôron akaa ne shi wan ior kwagh* shi kôôm ve sha tahav mbu i ne u la cii.+ Or môm nana̱ de lahan we ga.
Ngeren mba shin kpe
^ Shin “ityesen i injaa.”
^ Shin “a mkav ken ishima.”
^ Zwa Grika, “wain.”
^ Shin “a mkav ken ishima.”
^ Shin “ve̱ nengen sha uya vev.”
^ Shin “a mkav ken ishima.”
^ Shin a fatyô u kaan ér, “Tesen sha gbenda u wang.”
^ Shin “kwagh u ifer.”
^ Shin “u injaa.”
^ Shin “a mkav ken ishima.”
^ Shin “kov.” Nenge Ngeren u Pasen Asember.
^ Shin “taver ior asema.”
