Obadia 1:1-21
1 Mpase u sha mnenge u Obadia* nenge a mi yô:
Ka kwagh u Yehova Ter u Hemban Cii a ôr sha kwagh u Edom je ne:+
“Se ungwa loho due hen Yehova, a tindi or hen akuraior ér nana za kaa ér:
‘Mough nen sha, se wa nen iyol u za nôngon ityava na.’”+
2 “Nenge! M er u u kera gba kwagh ken akuraior ga;U ndôhôr ishima kpishi.+
3 Ihyagh i ken ishima you la bume u,+We u u tem ken ihia i avandegh,U tem ya sha ijiir i taven ne. U ngu kaan ken ishima you wer,‘Ka an je nana hungwa a mo shin inyaa?’
4 Wea tema ya sha ijiir i taven* er ka igyuve nahan,Shin wea za wa iya sha asan je kpaa,Ka sha her je me za daa u me kende shin inya ye,” ka kwagh u Yehova a kaa je la.
5 “Aluer mbaiv vea va hen a we, shin mbanumungbenda vea va tugh je kpaa,
A lu kwagh u ve soo la tseegh vea ii gaa?
(Nenge er a tim u gburu gburu sha wono!)*
Man aluer mbasundan atam a wain va hen a we yô,Vea kera undu atam agen her ér i yar twar gaa?+
6 Nenge er i ker hanma kwagh u hen ya u Isou sha wono!
I ker akaainjaa a a yer la sha gbashima, i ya ishar sha a!
7 Mba ve ye ikyar* a we la zenda u za ar sha akighir a tar wou,Ve cii ve bume u.
Mba ve lu bem bem a we la ve hemba u ityav.
Ior mba ve ye kwaghyan a we imôngo la vea hôn u kper shin angahar,Kpa u fatyô u kaven ga.”
8 Yehova kaa ér: “Sha iyange la,Me tim mbafankwagh hen Edom gaa?+
Shi me tim mkav kpaa hen haregh u iwoogh u Isou ga zee?
9 We Teman,+ a cier mbautyaav ou iyol,+Sha ci u a tim hanma or ken haregh u iwoogh u Isou cii, a wua ve kera.+
10 Kunya ua cir u iyol+Sha ci u iferkwagh* i u er anngôu Yakob la,+U tim kera gbem sha won.+
11 Sha iyange i u tile paleghaa la,Sha iyange i mba ken ityar igen va kura mbautyaav nav yem a mi uikyangen la,+Zum u akuraior agen va nyôr sha ihindagar na er ishor+ sha Yerusalem la,U lu eren er u ngu môm ken a ve nahan.
12 Ma i saan we iyol sha iyange i kwagh tser anngôu la ga,+Ma u ember sha iyange i ior i Yuda lu timin la ga,+Ma u lam sha imanger sha iyange i ican tser ve la ga.
13 Ma u nyer sha hundagar u ior av sha iyange i kwagh tser ve la ga,+Ma i saan we iyol sha ci u ican i i er ve sha iyange i kwagh kohol ve la ga,Ma u bende inyaregh vegh ave* sha iyange i kwagh tser ve la ga.+
14 Ma u til sha akahar a igbenda sha u wuan* ior nav mba ve lu yevese sha u waren la ga,+Ma u gem ior nav mba ve war la ma u ne sha ikyev i mbahyomov vev sha iyange i ican lu eren ve la ga.+
15 Gadia iyange i Yehova una mough num a akuraior cii la i zurum.+
Er u er nahan, kape we di kpa a er a we vough je la.+
Kwagh u u er a mbagen la una hide sha ityough you.
16 Er u me sha icighanwo wam nahan,Kape akuraior cii aa zer man la.+
Aa maan aa menan,Shi aa hingir er nga a vande lun sha won ga yô.
17 Kpa sha Uwo u Shion yô ior mba waren vea lu,+Shi ua lu icighanwo,+Ya u Yakob una ngohol* akaa a a lu a na la.+
18 Ya u Yakob una hingir usu,Ya u Yosev kpaa una hingir nomborusu,Man ya u Isou una gema a lu er ka ayia nahan,Vea nande ve, vea hia kera,Or môm ken ya u Isou nana war ga,+Gadia ka Yehova iyol na je a ôr kwagh ne ye.
19 Vea ngohol tar u Negebi man haregh u iwoogh u Isou,+Kua Shefela man tar u Mbafiliti.+
Vea ngohol haregh u Eferaim man haregh u Samaria,+Shi Benyamin una ngohol tar u Gileadi.
20 Mbaiserael mba ve yem uikyangen, mba girgar ne a lu u ve la,+A na ve tar u Mbakaanan zan zan a za ar Sarefati.+
Shi ior mba ken Yerusalem mba ve lu uikyangen ken Sefaradi la, vea ngohol agar a ken Negebi.+
21 Mbayiman vea kôndo sha Uwo u ShionSha u za ôron haregh u iwoogh u Isou ijir,+Nahan hementor ua hingir u Yehova.”+
