Hagai 2:1-23
2 Ken uwer u sha utaankaruhar, ayange 21 la, kwaghôron u Yehova va hen profeti Hagai+ ér,
2 “Ma u shi pine Serubabel+ wan u Sheatiel, gomna u Yuda,+ man Yoshua+ wan u Yehosadaki,+ zegepristi, kua ior cii wer:
3 ‘Ka an nan shi ken a ven, u yange nan nenge a icivir i iyou* ne i tsuaa laa?+ Hegen ngi ne nena? Ne nenge ner i yina sha ngila ica je gaa?’+
4 “‘Kpa taver ishima, we Serubabel, shi taver ishima, we Yoshua wan u Yehosadaki, zegepristi,’ ka kwagh u Yehova a kaa je la.
“‘Shi taver nen ishima, ne ior i tar ne cii, er nen tom,’+ ka kwagh u Yehova a kaa je la.
“‘Gadia m ngu a ven,’+ ka kwagh u Yehova u akum a sha a ôr je la.
5 ‘Umbur nen kwagh u yange m tôndo zwa a ven shighe u ne due ken Igipiti la,+ shi jijingi wam ngu a ven her.*+ De cie nen ga’”+
6 “Gadia Yehova u akum a sha ngu kaan ér, ‘Ica a kera gba ga tsô shi me mase tenger usha kua tar man zegemnger man tareghnyaagh kpaa.’+
7 “‘Shi me tenger akuraior cii, nahan akaainjaa a akuraior cii aa va ken iyou ne,+ shi me iv i a iengem,’+ ka kwagh u Yehova u akum a sha a ôr je la.
8 “‘Azurufa ka u wam, zanaria kpaa ka u wam,’ ka kwagh u Yehova u akum a sha a ôr je la.
9 “‘Icivir i iyou ne ia va zua a mi la ia hemba i tsuaa la,’+ ka kwagh u Yehova u akum a sha a ôr je la.
“‘Shi me na bem una lu hen ijiir ne,’+ ka kwagh u Yehova u akum a sha a kaa je la.”
10 Ken uwer u sha utaankarunyiin ayange 24, ken inyom i sha uhar i Dariu la, kwaghôron u Yehova va hen profeti Hagai,+ ér:
11 “Yehova u akum a sha kaa ér, ‘Ma u shi pine upristi kwagh sha kwagh u tindi,+ wer:
12 “Aluer or kôvor ikyondo wa icighan inyam ker man ikyondo la bende a beredi shin ahôm a iue shin wain shin mkurem gayô nyityô kwaghyan igen nahan, kwagh la una hingir icighan kwagha?”’”
Upristi mbara gema kaa ér: “Ei!”
13 Hagai shi pine ve ér: “Aluer or bende a orkpen* nahan nan kera ngu wang ga, man nan hide nan va bende a mô ken akaa ne nahan, kwagh shon una hôngoro?”+
Upristi mbara gema kaa ér: “Una hôngor.”
14 Tsô Hagai kaa ér: “‘Kape ior mban ve lu je la, man kape ikyurior ne i lu sha ishigh yagh je la,’ ka kwagh u Yehova a ôr je la, ‘man shi kape ityom i ave a ve cii i lu la, hanma kwagh u ve ve a mi cii ka u hôngorough.’
15 “‘Kpa hegen yô, ver nen ishima sha kwagh ne, hii nyian yem hemen: Cii ve i hii u tôôn iwen igen pendan sha igen sha u maan tempel u Yehova yô,+
16 yange akaa lu nena? Yange or a̱ va hen tihi u samuyia, nana̱ veren ishima ér nana zua a uikyaren 20 yô, nan zua a mi 10 tseegh, shi or a̱ va hen ihyungwa i shoghor wain, nana̱ veren ishima ér nana kese uikyaren 50 yô, nan zua a mi 20 tseegh.+
17 Yange m tsaha ne, m vihi ityom i ave a en cii, m er iyiav use shi mbi ta kuruku*+ shi m vihi mbi sha awombo. Kpa or wen môm hide hen a mo ga,’ ka kwagh u Yehova a kaa je la.
18 “‘Yô ma ne shi ver ishima sha kwagh ne, hii nyian yem hemen. Hii ken uwer u sha utaankarunyiin ayange 24, hii sha iyange i i wa imaagh ki tempel u Yehova la;+ ver nen ishima sha kwagh ne:
19 Ivor shi ken wuna* here?+ Ikyon i wain man i tur man i pomegraneti kua i olev cii ngi a ume atam ga, shin i ume? Hii nyian je, me haa ne iveren.’”+
20 Kwaghôron u Yehova shi va hen Hagai sha kwa har ken uwer shon, ayange 24,*+ ér:
21 “Kaa a Serubabel gomna u Yuda wer, ‘M ngu tenger usha man tar.+
22 Me yôhôr mkônom ma torom ma ityartor, shi me tim tahav mbu ityartor i akuraior kera gburu gburu.+ Me zôhô ikyekyeutya a mba hendan i imôngo, anyinya kua mba hendan a cii vea kpe, hanma ve sha zwa u sanker u anngô u nan.’”+
23 “Yehova u akum a sha kaa ér, ‘Sha iyange la me tôô u, we ortom wam Serubabel+ wan u Sheatiel,’+ ka kwagh u Yehova a ôr je la, ‘me gema u u hingir er iyôgh ki ken uwe ki* veren ikyav a mi nahan, sha ci u ka we m tsough ye,’ ka kwagh u Yehova u akum a sha a ôr je la.”
