Skip to content

Testemuña ba Jeová mak seita ida neʼebé mai husi Amérika ka lae?

Testemuña ba Jeová mak seita ida neʼebé mai husi Amérika ka lae?

Ami-nia sede-jerál mak iha rai-Estadus Unidus Amérika. Maibé ami laʼós seita ida neʼebé mai husi Amérika. Razaun sira mak tuirmai neʼe:

  • Tuir ema balu nia hanoin, “seita” mak kona-ba grupu ida neʼebé hasees an husi relijiaun boot ida. Testemuña ba Jeová laʼós grupu sanak ida neʼebé haketak an husi grupu relijiaun seluk. Maibé ami fiar katak ami harii fali ona grupu kristaun ida neʼebé tuir ezemplu husi ema kristaun iha apóstolu sira-nia tempu.

  • Ami Testemuña ba Jeová halaʼo ami-nia atividade haklaken iha rai oioin hamutuk 230 liu. Maski ami hela iha fatin neʼebé deʼit, ami laran-metin nafatin ba Maromak Jeová no Jesus Kristu, laʼós ba governu Estadus Unidus ka governu neʼebé deʼit iha mundu neʼe.—João 15:19; 17:15, 16.

  • Ami-nia hanorin hotu nia hun mak Bíblia. Ami la sadere ba livru ruma neʼebé relijiaun nia ulun-naʼin balu iha rai-Estadus Unidus mak hakerek.​—1 Tesalónika 2:13.

  • Ami halo tuir Jesus Kristu nuʼudar ami-nia ulun-naʼin, laʼós ema.​—Mateus 23:8-10.