Liproverbia 9:1-18
9 Bohlale ba ’nete bo hahile ntlo ea bona,Bo entse* lipilara tsa bona tse supileng.
2 Bo hlophisitse nama,Bo tsoakile veine ea bona,Bo tekile tafole ea bona.
3 Bo romme basebetsi* ba bonaE le hore ba hoeletse ba le qhooeng ea motse+ ba re:
4 “Mang kapa mang ea se nang tsebo a ke a fapohele mona.”Bohlale bo re ho ea se nang kelello:*
5 “Tloo, u je bohobe ba ka,U noe le veine eo ke e tsoakileng.
6 Furalla bothoto* e le hore u phele,+Tsoela pele ho tsamaea tseleng ea kutloisiso.”+
7 Ea khalemelang mosomi o tla tlotlolleha+Le ea khalemelang motho ea khopo o tla utloa bohloko.
8 U se ke oa khalemela mosomi hobane o tla u hloea.+
Khalemela motho ea bohlale ’me o tla u rata.+
9 Ruta motho ea bohlale ’me o tla hlalefa le ho feta.+
Ruta motho ea lokileng ’me o tla ’ne a eketse tsebo ea hae.
10 Mohato oa pele oa ho fumana bohlale* ke ho hlompha* Jehova.+
Ho tseba Ea Halalelang ka ho Fetisisa+ ho bolela kutloisiso.
11 Ka lebaka la bohlale matsatsi a hao a tla ba mangata+’Me u tla ekeletsoa lilemo tsa ho phela.
12 Haeba u hlalefa, bohlale ba hao bo tla tsoela uena molemoEmpa haeba u le mosomi, ke uena u le mong ea tla ja litholoana tsa ho soma.
13 Mosali ea se nang kelello o lerata.+
Ke sethoto ebile ha a tsebe letho ho hang.
14 O lula monyako oa ntlo ea hae,Holim’a setulo sebakeng se phahameng sa motse,+
15 O hoeletsa ba fetang ka tsela,O re ho ba iphethelang mabaka a bona:
16 “Mang kapa mang ea se nang tsebo a ke a fapohele mona.”
O re ho ba se nang kelello:*+
17 “Metsi a utsoitsoeng a monateLe lijo tse jelloang sephiring li monate.”+
18 Empa ba se nang kelello ha ba tsebe hore ntlo ea hae e tletse bafu,Hore baeti ba hae ba theohetse Lebitleng.*+
