Liproverbia 6:1-35
6 Mora oa ka, haeba u itlamme hore u tla patalla moahisani oa hao sekoloto,+Haeba u entse tumellano le motho,*+
2 Haeba tšepiso ea hao e fetohile leraba ho uenaLe mantsoe a hao*+ a fetohile sefi,
3 Etsa tjena mora oa ka hore u itopolleKaha joale u matsohong a moahisani oa hao:
E-ea u ikokobetse ’me u kope moahisani oa hao hore a u lokolle tumellanong ea lona.+
4 U se ke oa robalaKapa hona ho otsela.
5 Itopolle joaloka tšephe letsohong la setsomiJoaloka nonyana letsohong la ea tšoasang linonyana.
6 Uena ea botsoa,+ e-ea ho bohloa,U ithute ho bona ’me u hlalefe.
7 Le hoja bo se na molaoli, motsamaisi kapa ’musi,
8 Bo ipatlela lijo tsa bona hlabula,+Bo bokella lijo tsa bona ha ho kotuloa.
9 Uena ea botsoa, u tla robala moo ho fihlela neng?
U tla tsoha borokong neng?
10 U ntse u re: “A nke ke robale hanyenyane, nke ke re shoa! hanyenyane,Ke phuthe matsoho hanyenyane ke iphomolele.”+
11 Bofutsana bo tla u fihlela joaloka lesholuLe bohloki bo u tlele joaloka monna ea hlometseng.+
12 Motho ea se nang thuso a bile a le khopo o tsamaea a bua mashano,+
13 O koba leihlo,+ o tapa-tapa ka leoto le ho supa ka menoana.
14 Pelo ea hae e tletse bobe.
Ka nako eohle o rerile bokhopo+ ebile o baka liqabang.+
15 Kahoo, koluoa ea hae e tla tla ka tšohanyetso,Haufinyane o tla felisoa.+
16 Ho na le lintho tse tšeletseng tseo Jehova a li hloileng,Ha e le hantle, ke lintho tse supileng tseo a li nyonyang:
17 Boikhohomoso,+ leshano,+ ho bolaea batho ba se nang molato,+
18 Ho rera bokhopo,+ ho potlakela bobeng,
19 Ho fana ka bopaki ba bohata+Le ho qabanya bana ba motho.+
20 Mora oa ka, u mamele taelo ea ntate oa haoHape u se ke oa furalla thuto* ea ’mè oa hao.+
21 Li boloke pelong ea hao kamehla,U li fase molaleng oa hao.
22 Ha u tsamaea, li tla u tataisa,Ha u robala, li tla u lebela.
Ha u tsoha, li tla u hlokomela.*
23 Etsoe taelo ke lebone,+Molao ke leseli.+Khalemelo le taeo ke tsela e isang bophelong.+
24 Li tla u lebela ho mosali oa letekatse,+Le mantsoeng a mosali ea boitšoaro bo bobe* a ekang.+
25 U se ke oa lumella pelo ea hao hore e khahloe ke botle ba hae+Kapa oa mo lumella hore a u hape ka mahlo.
26 Monna o tla futsaneha*+ ka lebaka la letekatseEmpa o tla lahleheloa ke bophelo ka lebaka la mosali oa motho e mong.
27 Na motho a ka bokella mollo sefubeng sa hae ebe liaparo tsa hae ha li che?+
28 Kapa na motho a ka tsamaea holim’a mashala ebe maoto a hae ha a tlabohe?
29 Ho joalo le ka mang kapa mang ea robalang le mosali oa motho,*Mang kapa mang ea thetsang mosali eo o tla fuoa kotlo.+
30 Batho ha ba hloee lesholuHobane feela le utsoa hore le khore ha le lapile.
31 Empa ha le fumanoa, le tla lefa ka makhetlo a supileng,Le fane ka matlotlo ’ohle a ntlo ea lona.+
32 Mang kapa mang ea febang le mosali ha a na kelello,*Ea etsang joalo oa ipolaea.+
33 O tla fumana kotlo ’me a ke ke a hlompheha,+O tla tlotloloha ho ea ho ile.+
34 Poulelo e etsa hore monna a halefe,Ha a iphetetsa, ha a qenehele letho.+
35 A ke ke a amohela matšeliso a* mofuta leha e le ofe,Ho sa tsotellehe hore na u mo fa mpho e kholo hakae, bohale ba hae bo ke ke ba kokobela.
Linaletsana
^ Ka Seheberu: “osele.”
^ Ka Seheberu: “mantsoe a molomo oa hao.”
^ Kapa: “molao.”
^ Kapa: “li tla u laea.”
^ Ka Seheberu: “molichaba.” Sheba Liprov. 2:16.
^ Ka Seheberu: “o tla salloa ke polokoe ea bohobe.”
^ Ka Seheberu: “moahisani.”
^ Ka Seheberu: “o na le pelo e haelloang.”
^ Kapa: “puseletso ea.”
