Liproverbia 11:1-31
11 Jehova o nyonya sekala sa ho bekha se qhekellangEmpa o khahlisoa ke sekala se bekhang* ka tsela e nepahetseng.+
2 Ha motho a iketelletsa pele, o tla lahleheloa ke tlhompho+Empa bohlale bo ho ba inyenyefatsang.+
3 Botšepehi ba ba lokileng ke bona bo ba tataisang+Empa leshano la ba bolotsana le tla ba timetsa.+
4 Maruo* a ke ke a thusa letsatsing la khalefo ea Molimo+Empa ho loka ho tla lopolla lefung.+
5 Liketso tse ntle tsa ea lokileng li tla otlolla tsela ea haeEmpa ea khopo o tla oa ka lebaka la bokhopo ba hae.+
6 Ba lokileng ba tla pholosoa ke ho loka ha bona+Empa balotsana ba tla tšoasoa ke lintho tseo ba li ratang.+
7 Ha motho ea khopo a shoa, tšepo ea hae ea felaEsita le matla ao a neng a a tšepile aa fela.+
8 Ea lokileng o pholosoa mahlomolengEmpa ea khopo o kena ho ’ona.+
9 Mokoenehi* o felisa moahisani oa hae ka lipuo*Empa ba lokileng ba pholosoa ke ho ba le tsebo.+
10 Lintho tse molemo tse etsoang ke batho ba lokileng li tlisa thabo motsengEmpa ha ba khopo ba timela ho ba le mohoo oa thabo.+
11 Tlhohonolofatso eo ba lokileng ba e fumanang e haha motse+Empa mantsoe a ba khopo a senya motse.+
12 Motho ea se nang kelello* ha a hlomphe moahisani oa haeEmpa motho ea nang le temoho oa ithiba.+
13 Ea ratang ho senya batho lebitso o ntša makunutu+Empa motho ea tšepahalang o boloka lekunutu.*
14 Ha batho ba sa tataisoe ka bohlale,* baa oaEmpa ha baeletsi ba le bangata batho baa atleha.*+
15 Motho ea itlamang hore o tla patala sekoloto sa e mong o ikenya mathateng+Empa ea sa potlakeleng ho etsa litumellano o tla qoba mathata.
16 Mosali ea mosa* o iphumanela thoriso+Empa banna ba bahatelli ba ikhapela maruo.
17 Motho ea mosa o itsoela molemo+Empa motho ea sehloho o ipakela likhathatso.*+
18 Ea khopo o amohela moputso o se nang thuso+Empa ea jalang ho loka o kotula moputso oa ’nete.+
19 Ea lulang a etsa lintho tse lokileng o tla fumana bophelo+Empa ea khothalletseng ho etsa bokhopo* o tla shoa.
20 Jehova o nyonya ba lipelo li bolotsana+Empa ba lulang ba tšepahala* baa mo thabisa.+
21 Kholiseha hore motho ea khopo o tla fuoa kotlo+Empa bana ba ea lokileng ba tla pholoha.
22 Mosali e motle empa a se na kelelloO joaloka lesale la khauta sefeneng sa kolobe.
23 Takatso ea ba lokileng e qetella ka botle+Empa tšepo ea ba khopo e fehla khalefo.
24 Ea fanang o qetella a e-na le ho hongata le ho feta+Empa ea timanang leha a lokela ho fana, o qetella e le mofutsana.+
25 Motho ea fanang o tla atleha,*+Ea khathollang ba bang le eena o tla khatholloa.+
26 Batho ba tla rohaka ea timanang ka lijo*Empa ba tla hlohonolofatsa ea li rekisang.
27 Ea khothallang ho etsa se molemo o tla hauheloa+Empa ea phehellang ho etsa bobe, joang kapa joang bobe bo tla mo oela holimo.+
28 Ea tšepang maruo a hae o tla oa+Empa ba lokileng ba tla atleha feela joaloka makhasi a matala.+
29 Mang kapa mang ea tlisetsang ba ntlo ea hae likhathatso* a ke ke a fumana letho,*+Sethoto se tla sebeletsa ea bohlale.
30 Litholoana tsa ea lokileng ke sefate sa bophelo,+Ea hapang lipelo tsa ba bang* o bohlale.+
31 Haeba ea lokileng o tla fumana moputso o mo loketseng lefatšeng,Hakaakang ka ea khopo le moetsalibe.+
Linaletsana
^ Kapa: “majoe a bekhang.”
^ Kapa: “Lintho tsa bohlokoa.”
^ Kapa: “Motho ea sa hlompheng Molimo.”
^ Kapa: “ka molomo oa hae.”
^ Ka Seheberu: “Eo pelo ea hae e haelloang.”
^ Kapa: “o na le sefuba.”
^ Kapa: “ke motho ea bohlale.”
^ Kapa: “bolokeha.”
^ Kapa: “motle.”
^ Kapa: “oa itlotlolla.”
^ Kapa: “ea lelekisang bobe.”
^ Kapa: “ba sa tšoauoeng phoso litseleng tsa bona.”
^ Ka Seheberu: “o tla nona.”
^ Ka Seheberu: “lijo-thollo.” Sheba Tlhaloso.
^ Kapa: “ea tlotlollang ba ntlo ea hae.”
^ Ka Seheberu: “o tla fumana moea e le lefa.”
^ Mohlomong ke motho ea thusang ba bang ho tsamaea tseleng ea bophelo.
