‘Heeshshote yaa boohaarate, loosate, adhanna adhamate, ile lossiˈratenna geedha callate?’ yite hedde egennootto? (Iyyoobi 14:1, 2) Qullaawu Maxaafi lowo geeshsha hayyoota ikkino mannira nafa tini xaˈmo huluullitinonsata kulanno.—Mekibibi 2:11 nabbawi.

Isi heeˈneemmohu mayiraati? Balanxe, heeshsho hanaffinohu hiittoonniitiro afa hasiissannonke. Batinyu manni, surrenkenna wole bisinke kifilla dhagge ikkanno garinni loosantino gara huwati gedensaanni hayyichu Kalaqaanchi kalaqinonketa ammanino. (Faarso 139:14 nabbawi.) Hatto ikkiro, isi kalaqinonkehu mulla diˈˈikkino yaate! Kalaqammoommo korkaata bade afanke heeshshonke waagu noota ikkitinota huwanteemmo gede assitannonke.

Maganu umi labbaahanna meyaata maassiˈri gedensaanni hagiirsiisanno looso uyinonsa. Isi hedo insa uulla woˈmitanno gede, ise gannate assitanno gedenna hegerera heedhanno gedeeti.—Kalaqo 1:28, 31 nabbawi.

Mannu ooso Maganu gashshootira finqiltuta hedosi woˈmitukki keeshshitino. Ikkollana, Maganu manna facci asse diagurino; qoleno hedosi disoorrino. Qullaawu Maxaafi, Maganu ammanamino manna gatisatenna uullate hedinore wonshate loosanni keeshshinota kulannonke! Konni daafira, Maganu atino isi hedinote gedee heeshsho afiˈrattora hasiˈranno! (Faarso 37:29 nabbawi.) Qullaawa Maxaafa xiinxallite, Maganu hedo woˈmitanno wote horo afiˈratto gara rosi.