1. 1. SHEEXAANE DAAWULOOSI. Xaa yannara mannu mimmito giwanno gede kaima ikkinohu finqila sokkaasincho Sheexaane Daawuloosiiti. Maganu Sheexaanenna isinte gede manna gibbannore baala hunanno.—Faarso 37:38; Roomu Sokka 16:20.

2. 2. MIMMITO GIWANNO MANNI BATIˈRINOTA SHEEXAANU ALAME. Maganu mannu mimmito giwanno gede kakkayissannore busha poletiku gashshaanonna ammaˈnote murrootano ikko tenne alamera nooha busha coye baala hunanno. Qoleno Maganu gubbo baxxannorenna manna miiccannore hafuuraamma daddalu dirijjitta baala woˈmunni woˈma hunanno.—2 Pheexiroosi 3:13.

3. 3. MANNU OOSOTA GUUNTETE XEˈNE. Qullaawu Maxaafi mannu baalu cubbo ragiˈrino daafira hedonsanna assootinsa bunshete widira hige dooinota xawise kulanno. (Roomu Sokka 5:12) Mannu woloota giwanno gede assinohu mittu coyi konneeti. Maganu cubbu giddonni fulleemmo gede kaaˈlannonke daafira, mannu horonta mimmito giwannokki yanna dagganno.—Isayaasi 54:13.

1. 1. TAASHSHOTE XEˈNE DIHEEDHANNO. Hatte yannara alame woˈma hegerera gashshitannoti iima noote Maganu Mangiste callate. (Daanieeli 2:44) Manna mulla kae giwannohunna kairira hanqanno manni diheeˈranno. Maganu xaa yannara mannu oosora iillitanni noota taashshote xeˈne baala biddi assanno.—Luqaasi 18:7.

2. 2. MANNU BAALUNKU KEERE AFIˈRANNO. Finqilletenni woy olunni kainohunni shetanno manchi diheeˈranno. (Faarso 46:9) Baatto keere baxanno manni callu heeˈrannota teense heeˈnanni bayicho ikkitanno.—Faarso 72:7.

3. 3. MANNU BAALU MITTURINO QARRISANNORI NOOKKIHA HEGERERA HEEˈRANNO. Uullate aana heeˈranno manni baalu mimmito godowinta baxanno. (Maatewoosi 22:39) Yaachishannori diheeˈranno; sainoha busha coye qaaga nafa diqaangeemmo. (Isayaasi 65:17) Hatte yannara manna giwanno manni heeˈrannokki daafira, mannu ooso lowo “keere afidhe hagiidhitanno.”—Faarso 37:11.

Togoo alamera heeˈra baxatto? Xaa yannara nafa batinyu manni Qullaawu Maxaafi halaale rose manna giwa aguranni no. (Faarso 37:8) Alamete doyichora noori lowo miliyoone ikkitannori Yihowa Farciˈraasine tenne assitanni no. Budinsanna lophitino gari addi addiha ikkirono insa mitte maate gede ikkite baxillunninna mittimmatenni heedhanni no.—Isayaasi 2:2-4.

Yihowa Farciˈraasine mallaadanna taashshote xeˈne dandiine saˈnannihu hiittoonniitiro rosiissannohe. Insa rosiissannoheri sunu sununni manna giwa agurte baxattoha ikkatto gede kaaˈlannohe. Baalunku mannira wole agurina galata afiˈrinokkihura woy manna baxannokki mannira nafa shaqqado ikkatto gara rosatto. Hatto assittoro xaa yannara hagiirraamo ikkatto hattono wolootu ledo dancha aante heedhannohe. Baalunkunni roore, manna giwanno manni heeˈrannokkiwa Maganu gashshooti giddo heeˈrate maa assa hasiissannohero rosatto.—Faarso 37:29.