Yoonaasi 3:1-10

  • Yoonaasi Maganoho hajajame Nennewe haꞌri (1-4)

  • Nennewete manni Yoonaasi sokka macciishshe maaro ei (5-9)

  • Maganu Nennewete abbara hedino bao aguri (10)

3  Hakkiinni Yihowa qaali Yoonaasiwa layinkimeeshsho togo yaanni day: 2  “Kaꞌe, jawa katama Nennewe hadhe, kuleemmohe sokka hakko lallawi.” 3  Yoonaasino Yihowa qaalira hajajame, kae Nennewe haꞌri. Nennewe lowo geeshsha jawa katamaati;* lekkatenni sase barra haꞌrissanno. 4  Yoonaasi katama eꞌꞌe mittu barri doogo haꞌrihu gedensaanni, “Nennewe 40 barri giddo baꞌanno” yaanni lallawi. 5  Nennewete mannino Magano ammani; insano aju akkali xooma lallabbu; xiddano uddidhu. 6  Nennewete moote tenne sokka macciishshiti, zuufaanetenni kae mootimmate uddano fushshiꞌri; hakkiinni xidda uddiꞌre buluulu aana ofolli. 7  Hakkiinni saeno Nennewe woꞌmate, lallawa lallambanni gede assi;“Mootenna gashshaasine fushshitino lallawa: Mannuno ikko saada, laluno ikko hoshsha, mittoreno ittoonke. Sagale ittoonke, waano aggoonke. 8  Mannuno ikko saada xidda uddidho; baalunku Maganunniwa higge raartanni eeganto; busha doogonsanna assitanno beebba agurto. 9  May afino? Baꞌneemmokki gede, halaalaanchu Magani assara hedinore galagale hede,* buwanno hanqisinni higannonkeha ikkannona.” 10  Halaalaanchu Magani assitinore yaano busha doogonsanni agurte higgino gara laiti, abbeemmo yiino bao galagale hedi;* baono abbikkinni aguri.

Lekkaalliidi Qaagiishshuwa

^ Noo gedeenni tirriro, “Maganu albaanni jawa katamaati.”
^ Woy “assara hedinorira gaabbe.”
^ Woy “baora gaabbi.”

Tenne borrota koppete qoosso