Yoonaasi 2:1-10

  • Yoonaasi qulxuꞌmichote godowira heeꞌre assiꞌrino huuccatto (1-9)

  • Qulxuꞌmicho Yoonaasi baaru qaccera tuffu (10)

2  Hakkiinni Yoonaasi qulxuꞌmichote godowira heeꞌre Maganosi Yihowa huucciꞌri; 2  togo yii: “Qarrame heeꞌre, Yihowa woshshiꞌrummo; isino macciishshie. Waammate* diime* giddo heeꞌre, kaaꞌlo afiꞌrate raarummo. Atino huuroꞌya macciishshitto.  3  Diimete giddora tugge, baaraho woroonni saysittoe yannara,Way egemmie; Wolqaataamu dambalikkino aanaꞌyaanni sai.  4  Anino, ‘Albikkinni fushshite shorroottoe! Galagale qullaawa minekki hiitto ikke lae afeemmo?’ yuummo.  5  Way egemmie; heeshshoꞌyano qarru giddo ubbu;*Diimete way doyissie. Baaru giddo fulanno ishinino umiꞌyara xaaxami.  6  Dirre ilaallate hundi geeshsha lixummo. Baattote waawannano hegerera aanaꞌya cufantu. Yihowa Maganoꞌya, ati kayinni heeshshoꞌya balete giddonni fushshitto.  7  Lubboꞌya* wolqa baꞌanni hadhuta, Yihowa qaagummo. Huuccattoꞌyano atewa, qullaawu minikkiwa iillitu.  8  Haafa magannara galtinori, ammanamino baxille leellishannonsaha* lashshi assitanno.  9  Ani kayinni galatu huuronni kakkalo shiqishiꞌreemmohe. Xaꞌnoommoreno uyiꞌreemmo. Gato Yihowate.” 10  Gedensoonni Yihowa qulxuꞌmicho hajajeenna, Yoonaasi massite moola baattora tuffu.

Lekkaalliidi Qaagiishshuwa

^ Woy “Sioolete.” Mannu ooso baalate waamma xawisanno. Qaallate Tiro lai.
^ Noo gedeenni tirriro, “godowi.”
^ Woy “way lubboꞌya geeshsha diwie.”
^ Woy “Heeshshoꞌya.”
^ “Ammanamansa” yaano ikkara dandaanno.

Tenne borrota koppete qoosso