KHUNDU 1

Kutomera mu Ntsiku za Enoki Mpaka mu Ntsiku za Atongi

Kundu ino isalonga pya anthu angasi adapangiza cikhulupiro na cipapo, kutomera Enoki mpaka mu ndzidzi wa mprofeta Samweli.

Khundu1 Ndzidzi Udacitika Pinthu

Bokosi inapangiza pyaka pidakhala m’maso anthu anango analongwa m’Bhibhlya na pinthu pinango pidacitika.

1 ENOKI

Iye Afamba na Mulungu

Enoki acita pinthu mwakusiyana kakamwe na anthu a ntsiku zace makamaka m’makhundu mawiri akufunika. Kodi pyenepi pyakwanisika tani? Pidacita iye pisatipfundzisanji thangwi ya cipapo?

2 NOWA

Iye Akonesa Dziko

Pinacitika ntsiku zino pyalandana tani na pikhacitika mu ntsiku za Nowa? Onani kuti munatowezera tani cipapo ca Nowa mu umaso wanu.

3 SARA

Iye Nee Abwerera Nduli

Sara apangiza tani kuti akhali na cikhulupiro na cipapo?

4 ABHRAHAMU

Munthu Wakutoma Kumenya Nkhondo za Yahova

Tisapfundzanji na Abhrahamu thangwi ya cifuno cace cakupulumusa Loti wakuti akhali ndzukulu wace? Ndi nkhombo zipi zidampasa Yahova thangwi ya cipapo cace na cikhulupiro cidapangiza iye?

5 ABHRAHAMU

Maseze Pikhali Pyakunentsa, Iye Abvera Mulungu

Tinatowezera tani cipapo ca Abhrahamu toera kubvera Mulungu? Mphangwa zenezi zisatipfundzisanji thangwi ya ufuni wa Yahova?

6 RABHEKA

Iye Atawira Kuenda ku Dziko Yakutali

Rabheka apangiza cikhulupiro na cipapo munjira yakudzumisa. Tinapfundzanji na pidacita iye?

7 YAKOBE

Mwacipapo Iye Atsidzikiza Banja Yace

Pinthu pidacita Yakobe pyakuphedzani tani toera kukhala na cinyindiro cakuti tingawangisira tinakwanisa kukhala na nkhombo za Yahova?

8 ZUZE

Iye Akunda Mayesero

Onani kuti pinthu pidacita Zuze pinakuphedzani tani toera kukunda mayesero na kupirira makhaliro akunentsa.

9 SIFRA, PUWA, AMIRAMU, YOKEBHEDHI, MIRIYA

“Thangwi ya Cikhulupiro, Mose Abiswa”

Anyakubazika, anyakubala a Mose na mwanankaziace apangiza kuti iwo akhali na cikhulupiro cakuwanga na cipapo. Ife tinatowezerambo tani pidacita iwo?

10 MOSE

Iye Acita Cisankhulo Cadidi

Ndi cisankhulo cipi cidacita Mose, pontho thangwi yanji? Kodi imwe munapfundzanji na pidacita iye?

11 MOSE

“Ndoko Kuna Farau”

Pidacitikira Mose pisatipasa tani cinyindiro cakuti Yahova anatiphedza tingaona kuti nee tathema toera kucita basa idatipasa Iye?

12 KALEBE

Iye Apitiriza Kukhala Wakukhulupirika Kuna Mulungu Wace

Onani kuti pinthu pidacita Kalebe pinatiphedza tani kucalira kucita pinthu basi ene toera “kukomeresa mwinji.”

13 YOSWA

Iye Acita Pidapangwa Iye Maseze Nee Akhapibvesesa

Ndi pitsogolero pipi pidapaswa Yoswa na Yahova pyakuti pikhaoneka ninga pyakusowa basa? Ndi mu ndzidzi upi wakuti tinakwanisa kutowezera pidacita Yoswa?

14 RAABHE

Iye Asankhula Kukhala Kukhundu ya Yahova

Tinapfundzanji na pidacita Raabhe? Ndi nkhombo zipi zidapaswa iye thangwi ya cikhulupiro cace na cipapo cace?

15 NOEMI NA RUTE

Iwo Atamba Nyatwa Pabodzi

Ndi munjira zipi zakuti Noemi na Rute apangiza cipapo? Tinapfundzanji na pidacita iwo?

16 BHARAKI NA DHEBHORA

“Ine Ndinaenda Pabodzi na Iwe”

Bharaki adembetera Dhebhora toera aende naye pabodzi ku nkhondo. Kodi pyenepi pikhapangiza kuti akhali na cikhulupiro cakufewa peno cikhulupiro cakuwanga?

17 JAELI

“Iye Ndi Nkazi Wakusimbwa Kakamwe Mwa Akazi Onsene”

Cipapo cidapangiza Jaeli mbapha nyamalwa wa Yahova cisapitiriza kutiphedza. Thangwi yanji mu ntsiku zino tisafunikambo kukhala na cipapo kakamwe ninga cikhali na iye?

18 JIDHIYONI

Wacipapo na Wakucenjera

Ndi m’midzidzi ipi yakuti panango tisafunika kukhala acipapo na akucenjera?

19 YEFITE NA MWANACE WANKAZI

Acita Pinthu Pyakunentsa Pidapikira Iwo

Pidacita Yefite na mwanace wankazi pinatiphedza tani?

20 SAMISONI

Iye Akhali Wacipapo Maseze Akhali Wakusowa Mphambvu

Tinapfundzanji na pidacita Samisoni pidamala iye kucita madodo?

21 SAMWELI

Iye Akhala na Cipapo Toera Kulonga mu Dzina ya Yahova

Ndi midzidzi ipi yakuti panango aphale anafunika kukhala acipapo toera kutsidzikiza pinthu pyadidi?

KHUNDU 2

Kutomera mu Ntsiku za Amambo Mpaka Kumangwa Pontho Kwa Yerusalemu

Khundu ino isalonga pitsandzo pya anthu adapangiza cikhulupiro na cipapo. Tinatoma kulonga pya Yonatani mwana wa Sauli, tinalonga pya mambo Dhavidhi; pakumalisa tinalonga pya mbumba ya Mulungu idabuluka ku ubitcu ku Bhabhilonya na kumanga pontho Yerusalemu.

Khundu 2 Ndzidzi

Gráfico yakuti isapangiza umaso wa anthu analongwa m’Bhibhlya na pinthu pyakufunika kakamwe pidacitika mu ndzidzi wa amambo mpaka kumangwa pontho kwa Yerusalemu.

22 YONATANI

Akhafunika Kukhala wa Cipapo Toera Akhale Wakukhulupirika

Yonatani akhafunika kusankhula kuti mbadakhala wakukhulupirika kuna ani. Ninji cidamphedza toera kucita cisankhulo cadidi? Ife tinantowezera tani?

23 DHAVIDHI

Dhavidhi—Iye Akunda Nyankhondo Wamphambvu

Dhavidhi adzadziwika kuti ndi “nyankhondo wacipapo na wamphambvu.” Pinthu pidacita iye pyaphedza tani anango? Cipapo cidapangiza iye caphedza tani anango toera akhalembo na cipapo?

24 ABHIGAILI

Abhigaili—Iye Apulumusa Anthu Akusowa Mulando

Amuna na akazi akumanga banja anapfundzanji na pidacita Abhigaili?

25 DHAVIDHI

Dhavidhi—Akhala na Cipapo Toera Kucita Pinthu Pyadidi

Dhavidhi mbadakwanisa kubwezera pyakuipa pikhacitirwa iye. Mphapo thangwi yanji iye nee acita pyenepi? Tinatowezera tani pidacita iye?

26 NATANI

Iye Asandika Mambo

Tisapfundzanji na pidacita Natani thangwi ya pinafunika ife kucita toera kuphedza xamwali wathu adacita madawo makulu?

27 MEFIBHOSETI

Iye Nee Atsukwala Kakamwe Thangwi ya Nyatwa

Tisapfundzanji na pidacita Mefibhoseti, pontho pidacita iye pisatibalangaza tani?

28 AZA

Iye Atumikira Yahova “mu Umaso Wace Onsene”

Tisapfundzanji na pidacita mamuna adatumikira Yahova na ntima wace onsene?

29 ELIYA

“Mulungu Wanga Ndi Yahova”

Ninji cidaphedza Eliya toera akunde kugopa kwace?

30 NKAZI WA NZICE WA KU SAREFATI

Iye Akhulupira Yahova mu Ndzidzi Wakunentsa Kakamwe

Pidancitikira pisatiphedza tani kuti tikhale na cipapo toera tinyindire Yahova?

31 NTSIKANA WANG’ONO WA KU IZRAELI

Ntsikana Wacipapo Alonga Thangwi ya Yahova

Citsandzo ca ntsikana unoyu cinakuwangisani toera kumwaza mphangwa maseze mugope.

32 ELIZEU

“Yahova, Fungulani Maso Ace”

Ndi midzidzi ipi yakuti tinakwanisa kuwangiswa thangwi ‘yakuona’ aanju na maso athu acikhulupiro?

33 YEOYADHA

Iye Atsidzikiza Mambo Adasankhulwa na Yahova

Ndi pinthu pipi pidacita Yeoyadha pinapangia kuti iye akhali na cipapo? Ndi munjira zipi zakuti munakwanisa kutowezera cipapo cace mu umaso wanu?

34 EZEKIYA

“Iye Akhali Wakukhulupirika Kuna Yahova”

Ezekiya apapangiza cipapo kakamwe na cikhulupiro. Tinantowezerambo tani lero?

35 MANASE

Iye Apangiza Cipapo Toera Kutcunyuka

Thangwi yanji Manase ndi citsandzo cadidi cakupangiza cipapo?

36 YOSIYA

Iye Aphedza Mbumba Toera Kutumikira Pontho Yahova

Maseze Yosiya akula pabanja yakunentsa, iye apangiza cipapo kakamwe toera kutsidzikiza ulambiri wandimomwene. Ndi munjira zipi zakuti tinakwanisa kuntowezera?

37 DHANYELI

“Iye Akhonda Kupswipisika”

Aphale na atsikana anatowezera tani cipapo na kukhulupirika kwa Dhanyeli? Tinaphedzeka tani na citsandzo cace?

38 APHALE ATATU ACIHEBHERI

Iwo Apulumuka mu Forno ya Moto

Aphale atatu Acihebheri apangiza cipapo ngakhale pikhafuna iwo kuphiwa. Citsandzo cawo cisatipfundzisanji thangwi ya kucepeseka, kukhurudzika na kukhulupirika?

39 ESTERI

“Pingafunika Kuti Ndiphiwe, Ndiri Dzololo Toera Kufa”

Esteri akhali waudziwisi na wakubvera. Iye akwanisa kufewesa ntima wa mamunace wakuti nee akhatumikira Yahova. Tisapfundzanji na citsandzo cace?

40 NEEMIYA

Iye Amanga Pontho Mpanda

Tisapfundzanji na citsandzo ca Neemiya cakutumikira Yahova na ntima onsene? Akulu a mpingo anatowezera tani citsandzo cace?

KHUNDU 3

Ndzidzi wa Mesiya na Atowereri Ace

Khundi uno isalonga pitsandzo pya anthu adapangiza cikhulupiro na cipapo mu ndzidzi wa apostolo, kuphatanizambo Mariya wakuti akhali mwali Waciyuda kuphatanizambo mpostolo Juwau.

Khundu 3 Ndzidzi Udacitika Pinthu

Gráfico yakuti isapangiza ndzidzi udakhala m’maso anthu analongwa m’Bhibhlya pa Khundu 3. Iyo isagomezerambo pinthu pyakufunika pidacitika mu ndzidzi wa Mesiya mpaka ntsiku zakumalisa za mpostolo Juwau.

41 ZAKARIYA NA ELIZABHETI

“Akulungama Pamaso pa Mulungu”

Thangwi yanji Yahova akhaona Zakariya na Elizabheti ninga anthu akulungama? Tinatowezera tani citsandzo cawo?

42 MARIYA

Iye Akhala Wacipapo Mbatawira Basa Yakunentsa Kakamwe

Mariya atambira basa yakupambulika na yakunentsa kakamwe. Iye akhala tani na cipapo toera kupirira mpaka kunkhomo?

43 ZUZE

Iye Atsalakana Mwadidi Banja Yace

Ndi munjira ipi Zuze ndi citsandzo cadidi kuna ababa Acikristu lero?

44 JUWAU MʼBATIZI

“Nkhabepo Nkulu Kakamwe”

Juwau akhali mamuna wacipapo wakuti akhali na umaso wakukhonda funa pizinji. Onani kuti tinapfundzanji na citsandzo cace.

45 PEDHRU

“Ndine Nyakudawa”

Tinapfundzanji na pidacita Pedhru thangwi yakupitiriza kutumikira Yahova mwakukhonda tsalakana madodo anacita ife?

46 MARIYA MADHALENA

“Ine Ndamuona Mbuya!”

Mu umaso wace, Mariya aphata basa kakamwe toera kuphedza Yezu na atowereri ace. Tinapangiza tani ntsisi na cipapo ninga iye?

47 MARIYA, M’BALE WACE LAZARO

“Iye Acita Pidakwanisa Iye”

Yezu asimba Mariya, m’bale wace Lazaro thangwi ya cikhulupiro cace na cipapo. Iye apangiza tani cipapo? Ife tinantowezera tani lero?

48 ESTEVAU

“Wacikhulupiro Kakamwe na Wakudzala na Nzimu Wakucena”

Estevau aendeswa pa thando yakutongera miseru. Iye atsidzikiza tani cikhulupiro cace? Citsandzo cace cinatiwangisa tani toera tipitirize kukhala akukhulupirika?

49 PEDHRU

Iye Adzakhala Wacipapo

Citsandzo ca Pedhru cinatiphedza tani toera tinyindire Yahova mbatikunda kugopa?

50 SAULO WA KU TARSO

Iye Acinja Manyerezero Ace

Ninji pidacitisa mamuna unoyu wakuipa wakuti akhatcinga Akristu mbacinja umaso wace? Tisapfundzanji na citsandzo cace?

51 BHARNABHE

“Mwana Wacibalangazo”

Mwacipapo, Bharnabhe abwera dzaphedza Saulo, pontho amuendesa kuna apostolo. Tinatowezera tani cipapo cace mbatikhala dzololo toera kuphedza anango?

52 MARKO

“Iye Anandiphedza”

Maseze akhadaluza mwai wakutumikira, mwacipapo Marko apitiriza kutumikira mbaphedza abale ace Acikristu. Tisapfundzanji na citsandzo cace?

53 PAULU

“Ine Ndisakuwangisani Toera Mukhale na Cipapo”

Mpostolo Paulu apangiza tani cipapo m’makhaliro akunentsa kakamwe? Cipapo cace cinaphedza tani anango?

54 MPOSTOLO JUWAU

Iye Apangiza Cipapo Mu Ndzidzi Wakunentsa

Mpostolo Juwau cipo agopa anthu. Tinatowezera tani citsandzo cace mbatipitiriza kutumikira Yahova mwacipapo?

MAFALA AKUMALISA

‘Khalani Acipapo’

M’Bhibhlya muli na pitsandzo pizinji pya amuna na akazi, ana na akulu ene akuti mwacipapo akhala kukhundu ya Yahova. Pitsandzo pyawo pinakwanisambo kutiphedza toera tikhale acipapo ninga iwo.

Nkati Mwa Kapa