Taro 2018 berš, sekova broj taro amare spisanija baši javnost isi le samo jekh tema. Sa akala spisanija tane delo taro amare glavna publikacie službake hem adaleske šaj te koristina len ki služba. Isto agjaar, šaj te la amencar nekobor spisanija džikote patujnaja ili džaja te kina nešto. O spisanija nane kerde te proučina i Biblija e manušencar, ama šaj te bajraren nekaskoro interes bašo duhovna bukja.

Otkeda ka počmine razgovor, spodelin jekh biblisko stiho hem jekh tema taro spisanie so šaj ka interesinel e manuše. Na primer, ako tano roditeli, ili ako isi le nevolje ili stres, šaj te vakere: „Čitingjum jekh šukar statija baši akaja tema. Šaj li te sikavav tuke?“ Ako dikhea kaj e manuše isi le interes, šaj te de le pečatimo spisanie ili te bičhave leske elektronski, čak ko prvo razgovor. Iako nane amari glavno cel te da literatura, sepak adava pomožinela amenge te arakha okolen so mangena te postapinen ko sklad adalea so sikljovena (De 13:48).