Pregunta Ku Beibel Ta Kontestá
Nos pikánan por ser pordoná?
No ta imposibel pa haña e aprobashon di Dios
Beibel ta trese dilanti ku tur hende ta pekadó. Nos a heredá e tendensia di peka for di nos promé tata, Adam. P’esei, tin biaha nos ta hasi malu i despues nos ta lamentá loke nos a hasi. E Yu di Dios, Hesukristu, a muri pa nos i asina a paga pa nos pikánan. Pa medio di su morto nos por haña pordon pa nos pikánan. E sakrifisio di reskate ei ta un regalo di Dios.—Lesa Romanonan 3:23, 24.
Tin hende a kometé piká serio, i nan ta puntra nan mes si un dia Dios lo pordoná nan. Ta bon pa sa ku e Palabra di Dios ta bisa: “E sanger di Hesus, su Yu, ta limpia nos di tur piká.” (1 Huan 1:7) Pues, Yehova ta dispuesto pa pordoná e pikánan di mas serio, basta nos ta arepentí di kurason.—Lesa Isaías 1:18.
Kiko nos tin ku hasi pa Dios pordoná nos?
Si nos ke pa Yehova Dios pordoná nos, nos mester siña konos’é. Esei ta enserá komprondé su kamindanan, su konsehonan i loke e ta ferwagt di nos. (Huan 17:3) Yehova ta kla pa pordoná hende ku ta arepentí di nan pikánan i hasi esfuerso pa kambia.—Lesa Echonan 3:19.
No ta imposibel pa haña e aprobashon di Dios. Yehova konosé nos debilidatnan. E ta un Dios miserikòrdioso i bondadoso. Esei no ta duna bo e deseo pa siña mas enkuanto kon bo por agrad’é?—Lesa Salmo 103:13, 14.
Otro Artíkulo Interesante
E TOREN DI VIGILANSIA
Bo Ta Hasi Loke Dios Ta Pidi Bo?
Obedesé Dios ta hopi importante, pero algu mas ta nesesario pa por tin un amistat kuné.
PREGUNTA KU BEIBEL TA KONTESTÁ
Dios Lo Pordoná Mi?
Haña sa kiko Beibel ta bisa tokante kon Dios ta pordoná.
E TOREN DI VIGILANSIA
Di Bèrdat Nos Por Agradá Dios?
Nos por haña e kontesta den e ehèmpelnan bíbliko di Lòt, Yòb i David, kendenan a kometé fayonan grave.
