Promé Karta di Huan 1:1-10
1 Nos ta skirbi boso tokante e persona ku ta e palabra di bida.+ E ta eksistí for di prinsipio; nos a tend’é; nos a mir’é ku nos mes wowonan; nos a opserv’é i nos mannan a mishi kuné.
2 (E Tata a pèrkurá bida eterno.+ Nos a haña sa di bida eterno, i nos a bin komprondé kiko e ta. Anto nos ta duna testimonio di dje;+ nos a papia tokante dje ku boso.)
3 Nos ta papia ku boso tokante e persona ku* nos a mira i tende.+ Nos ta hasi esei pa boso tambe por ta uní ku nos, meskos ku nos ta uní ku e Tata i ku su Yu Hesukristu.+
4 P’esei, nos ta skirbi e kosnan akí pa nos tur por ta felis.
5 Esaki ta e mensahe ku nos a tende di Hesus i ku nos ta anunsiá na boso: Dios ta lus+ i no tin nada di skuridat den dje.
6 Si nos ta bisa: “Nos ta uní kuné,” pero nos ta sigui kana den skuridat, nos ta gañando i nos no ta biba di akuerdo ku e bèrdat.+
7 Pero si nos ta kana den lus meskos ku Dios tambe ta den lus, nos ta keda uní ku otro, i e sanger di su Yu Hesus ta limpia nos di tur piká.+
8 Si nos ta bisa: “Nos no ta pekadó,” nos ta gaña nos mes,+ i nos no ta kere e bèrdat.
9 Si nos konfesá nos pikánan, Dios lo pordoná nos nos pikánan i limpia nos di tur kos malu ku nos a hasi,*+ pasobra Dios ta fiel i hustu.
10 Si nos ta bisa: “Nos no a peka,” nos ta hasi komo si fuera Dios ta un gañadó, i nos no ta kere su palabranan.
