Pidacitika mu Umaso wa Yezu na Utumiki Wace
M’mavidhyu awa akutsandzayisa, imwe munadziwa pizinji thangwi ya Yezu Kristu, Mwana wa Mulungu na Mpulumusi wa anthu onsene.
Vidhyu 1: Ceza Candimomwene ca Dziko
Anthu anapulumuswa tani m’madawo a Adhamu? Mesiya ndiye basi anafuna kupulumusa anthu.
Vidhyu 2: “Uyu Ndi Mwananga”
Juwau M’batizi asasanyira njira ya kubwera kwa Mesiya. Onani pinthu pyakutsandzayisa kakamwe pidacitika pa dziko yapantsi, pidatoma Yezu utumiki wace!
Vidhyu 3: “Iye, Ndine Pano”
Yezu apangizika kuna Nikodhemu, kuna nkazi wa ku Samariya na kuna anthu a ku Nazareti kuti iye akhali Mesiya, mbwenye basi ene ndi anthu akucepa adan’khulupira. Pidamala iye kucita cirengo, Yezu aphemba amuna akucepeseka akuti akhali asodzi a nyama za m’madzi toera antowere.
Vidhyu 4: “Thangwi Ine Ndadzera Pyenepi”
Yezu apangiza mphambvu yace mu ndzidzi ukhawangisa iye anthu na kubulusa madimonyo. Mbwenye anthu anango akhaipirwa na basa ikhacita iye mbabverana toera kumupha. Thangwi ya ntsisi zikhali na iye, pontho na kupfundzisa mwadidi kukhacita iye, Yezu acita anyakupfundza mbasankhula apostolo 12.
Vidhyu 5: “Mwinji wa anthu wadzumatirwa na njira yace yakupfundzisa”
Pidamala Yezu kuwangisa anthu azinji mautenda akhali na iwo, atoma kuapfundzisa munjira yakuti cipo atsogoleri a uphemberi akhadaapfundzisa kale. Mphambvu ikhali na Yezu, misangani ikhaphatisira iye na kufokotoza kuti tinapiphatisira tani ntsiku na ntsiku pisatidzumatirisa kakamwe.
Vidhyu 6: “Kodi Ndimwe Adalongwa Kuti Anabwera?”
Yezu apangiza kuti ali na mphambvu yakulamusa anthu adafa. Misangani ikhalonga Yezu na kupfundzisa mwadidi kukhacita iye kukhaphedza anthu toera kudzindikira pinthu pikhafuna anthu ankham’bvesera. Yezu aphatisira misangani toera kupfundzisa thangwi ya Umambo wa Mulungu.
