EPISODIO 4
«Maʉ̃ kʼarea zesi mʉ̃ra naʉ̃ drʉaeda»
(Duración: 54:56)
Jesúsba bebikʉasi kayaberata, demonioraba zʉbʉriabibʉrata bebisi, ẽbẽrarã bioʉta iyi kʼaidu wãsida, adewara Jesúsbara jidasi ẽbẽrarã 12 mawũã iyi apóstolera bamarẽã. Naʉ̃ episodiode naʉ̃rata ũdudayi:
Jesúsba jaradianʉmʉ Capernaumʼne sinagoga bʉmae akʉza demonioba zʉbʉriabibʉta bebisi (Marcos 1:21-29; Lucas 4:31-37).
Jesúsba bebisi Pedro pakõrẽta (Lucas 4:38, 39; Mateo 8:14, 15; Marcos 1:30, 31).
Jesúsbara bebisi ẽbẽrarã mejãchaʉ kayata (Lucas 4:40, 41; Mateo 8:16, 17; Marcos 1:32-34).
Jesúsʼra yiwidʼibʉ miõ neẽãbʉ mae (Marcos 1:35-38; Lucas 4:42, 43).
Jesúsba jaradiasi ẽbẽrarã akʉza bebikʉasi ãyi kayara (Mateo 4:23-25; Marcos 1:39).
Jesúsba bebisi lepraba baribʉta (Marcos 1:40-45; Mateo 8:1-4; Lucas 5:12-15).
Jesúsʼra jĩga wãsi mawũã doba yiwidʼita (Lucas 5:16).
Jesúsba jarasi kĩrãduaita iyi kayiruara akʉza bebisi ẽbẽra kakua pira ẽãbʉta (Marcos 2:1-12; Mateo 9:1-8; Lucas 5:17-26).
Jesúsba Mateoʼa jarasi iyi kʼaidu bamarẽã (Marcos 2:13, 14; Mateo 9:9; Lucas 5:27-28).
Jesúsʼra Mateo deda ãba nekobʉ nokʼoita plata widipanʉrabawara (Marcos 2:15-17; Mateo 9:10-13; Lucas 5:29-32).
Widisida ayuno ʉ̃rʉ (Mateo 9:14-17; Lucas 5:33-39; Marcos 2:18-22).
Jesúsba jaradiabʉ sinagoga Judeadebʉde (Lucas 4:44).
Jesúsba sábado ewaride bebisi ẽbẽra kayabʉta pozo Betzata kʼawa (Juan 5:1-9).
Judiorãra bedʼeakasida yumakẽrã Jesúsba bebidaʉ̃me (Juan 5:10-13).
Jesúsba ũdusi yumakẽrã iya bebidata templode (Juan 5:14, 15).
Jesúsʼra bedʼeasi yi zezeba iyaʼa kʼãrẽ omarẽã jaradadeba (Juan 5:16-24).
Jeowadeba jĩgapanʉra ẽbẽrarãba Jesús bedʼea ũrĩra ẽdrʉdayi (Juan 5:25-27).
Jeowabara jẽda piradrʉbiyi beidarãra (Juan 5:28-30).
Juan buru koebibariba jaradata, Jesúsba odaba, Daizezeba jaradaba akʉza Daizeze Bedʼeade jarabʉba kʼawuabisida Jesúsʼra dayirã ẽdrʉbibarita (Juan 5:31-47).
Jesúsʼra sábado ewari nokʼo (Marcos 2:23-28; Mateo 12:1-8; Lucas 6:1-5).
Jesúsba bebisi yumakẽrã juwa bagʉbʉta sábado ewaride (Lucas 6:6-11; Mateo 12:9-14; Marcos 3:1-6).
Ẽbẽra mejãchaʉta pusa kʼawapanʉ; Jesús Jeowaba mejãcha kãgabʉta; ẽbẽrarã mejãchaʉta Jesúsba bebikʉasi (Marcos 3:7-12; Mateo 12:15-21).
Jesúsba jʉrʉsi 12 ẽbẽrarã iyi apostolera bamarẽã (Lucas 6:12-16; Marcos 3:13-19a).
