EPISODE 4
“Ini an Dahilan Kaya Ako Nag-abot”
(Lawig: 54:56)
Nagpaumay si Jesus nin mga may hilang, nagpalayas nin mga demonyo, naggibo nin mga disipulo, asin nagpili kan saiyang 12 apostol. Kaiba sa episode na ini an minasunod na mga pagkasaysay:
Nagtukdo si Jesus sa sinagoga sa Capernaum; nagpalayas nin maraot na espiritu (Marcos 1:21-29; Lucas 4:31-37)
Pinaumayan ni Jesus an panugangan na babayi ni Pedro (Lucas 4:38, 39; Mateo 8:14, 15; Marcos 1:30, 31)
Dakul pang iba an pinaumayan ni Jesus (Lucas 4:40, 41; Mateo 8:16, 17; Marcos 1:32-34)
Namibi si Jesus sa sarong puwerang lugar (Marcos 1:35-38; Lucas 4:42, 43)
Naghulit si Jesus, nagtukdo, asin nagpaumay (Mateo 4:23-25; Marcos 1:39)
Pinaumayan ni Jesus an sarong may leproso (Marcos 1:40-45; Mateo 8:1-4; Lucas 5:12-15)
Naghanap si Jesus nin tuninong na lugar tanganing makapagsolo asin mamibi (Lucas 5:16)
Pinatawad asin pinaumayan ni Jesus an sarong paralisado sa Capernaum (Marcos 2:1-12; Mateo 9:1-8; Lucas 5:17-26)
Inagda ni Jesus si Mateo na magin parasunod niya (Marcos 2:13, 14; Mateo 9:9; Lucas 5:27, 28)
Nagkakan si Jesus kaiba kan mga parasingil nin buhis sa harong ni Mateo (Marcos 2:15-17; Mateo 9:10-13; Lucas 5:29-32)
Hapot manungod sa pag-ayuno (Mateo 9:14-17; Lucas 5:33-39; Marcos 2:18-22)
Naghulit si Jesus sa mga sinagoga sa Judea (Lucas 4:44)
Pinaumayan ni Jesus an sarong may hilang na lalaki sa aldaw nin Sabbath sa karigusan nin Betzata (Juan 5:1-9)
Kinumprontar kan mga Judio an pinaumayan na lalaki (Juan 5:10-13)
Nanumpungan ni Jesus sa templo an pinaumayan na lalaki (Juan 5:14, 15)
Ipinaliwanag ni Jesus an manungod sa awtoridad na itinao sa saiya kan saiyang Ama (Juan 5:16-24)
An mga gadan sa espirituwal na naghihimati sa boses ni Jesus mabubuhay (Juan 5:25-27)
Bubuhayon liwat an mga gadan na yaon sa mga lulubngan na girumduman (Juan 5:28-30)
Si Juan Bautista, an mga ginibo ni Jesus, an Ama, asin an Kasuratan gabos nagpapatotoo manungod ki Jesus (Juan 5:31-47)
Si Jesus, “Kagurangnan pati kan Sabbath” (Marcos 2:23-28; Mateo 12:1-8; Lucas 6:1-5)
Pinaumayan ni Jesus an lalaking paralisado an kamot sa aldaw nin Sabbath (Lucas 6:6-11; Mateo 12:9-14; Marcos 3:1-6)
Dakulon na tawo sa may gilid kan Dagat nin Galilea; si Jesus bilang an namumutan na lingkod nin Diyos; dakul an pinaumayan (Marcos 3:7-12; Mateo 12:15-21)
Pinili an 12 apostol (Lucas 6:12-16; Marcos 3:13-19a)
