AmaRhubo 55:1-23
Kumnqophisi; likhambisana neenliliso zesinara. IMaskili.* Irhubo lakaDavida.
55 Maye! Zimu, lalela umthandazwami,+Ungaseqiseli amehlo isibawo sami somusa.*+
2 Ngilalelisisa, ungiphendule.+
Into engitshwenyako ayingiphi ukuphumula,+Ngigandelelekile
3 Ngebanga lalokho okutjhiwo linaba lamiNokugandelelwa ngokhohlakeleko.
Ngombana bangibangela imiraro eminengi,Begodu bangibambela amavunda basilingekile.+
4 Ihliziywami ibuhlungu,+Nokusaba ukufa kungiqeda amandla.+
5 Ngifikelwa kusaba, ngiyahlengezela,Ngiyaqhaqhazela.
6 Ngisolo ngithi: “Ngathana benginamaphiko njengejuba!
Bengizokuphaphela kude, ngihlale nangokuphepha.
7 Qala! Bengizokubalekela kude.+
Bengizokuhlala emmangweni.+ (Sela)
8 Bengizokurhabela endaweni ephephilekoKude nommoya onamandla, kude nesiwuruwuru.”
9 Maye! Jehova, bahlangahlanganise, utjharaganise namanwabo,+Ngombana ngibone inturhu nomguruguru edorobheni.
10 Bakhambakhamba emabodenalo imini nobusuku;Ngaphakathi kwalo kunokukhohlakala nomraro.+
11 Umonakalo uphakathi kwalo;Ukugandelela nekohliso akusuki etatawini lalo.+
12 Ngombana akusilinaba elinginyefulako;+Ngathana bekunjalo bengizalibekezelela.
Akusisisitha esilwa nami;Ngathana bekunjalo bengizasibhacela.
13 Kodwana nguwe, umuntu ofana nami,+Umnganami engimazi kuhle.+
14 Besibangani abakhulu;Nasiya endlini kaZimu besikhamba soke kunye neenqubuthu.
15 Kwanga bangatjhabalala!+
Abehlele eThuneni* baphila;Ngombana ubumbi buhlala hlangana nabo nangaphakathi kwabo.
16 Mina ngizokubiza uZimu,UJehova uzongisindisa.+
17 Entambama, ekuseni nemini ngitshwenyekile begodu ngiyaquma,+Uyalizwa iphimbo lami.+
18 Uzongihlenga anginikele ukuthula kilabo abalwa nami,Ngombana iinqubuthu zilwa nami.+
19 UZimu uzongizwa angilwele kibo,+Loyo ohlala esihlalweni sobukhosi kusukela ekadeni.+ (Sela)
Bazokwala ukutjhuguluka,Labo abangakhenge bamsabe uZimu.+
20 Usahlele* abanokuthula naye;+Uphule isivumelwano sakhe.+
21 Amezwakhe abutjhelelezi ukudlula ibhodoro,+Kodwana ehliziywenakhe kunomguruguru.
Amezwakhe athambe ukudlula amafutha,Kodwana anjengeensabula ezibukhali.+
22 Phosa umthwalwakho kuJehova,+Yena uzokusekela.+
Angekhe avume bona olungileko awe.*+
23 Kodwana wena Zimu, uzobehlisela emgodini ozike khulu.+
Labo abanomlandu weengazi nabakhohlakeleko angeze baphile ngitjho nesiquntu samalangabo.+
Kodwana mina, ngizokuthembela kuwe.
Imitlolo Ephasi
^ Qala Ihlathululo.
^ Namkha “Ungazifihli nangithandazela isizo.”
^ Namkha “eTjhiyoli.” Qala Ihlathululo.
^ Kutjho umuntu obekamnganakhe ngaphambilini okukhulunywe ngaye emavesini 13 no-14.
^ Namkha “atherezele.”