Uyamenywa
IsiKhumbuzo Sokufa KwakaJesu
NgeLesine, Apreli 2, 2026
Sikumemela ezenzakalweni ezimbili zasimahla ezilandelako
Ikulumo YeBhayibheli Ekhethekileko
“Ngubani Ozokulungisa Iphasi?”
Funda ngengomuso elihle elilindele iphasi nabantu.
IsiKhumbuzo Sokufa KwakaJesu
Esenzakalweni esikhethekilekwesi, aboFakazi bakaJehova bakhumbula ukufa kwakaJesu njengombana abayala.—Lukasi 22:19.
Imibuzo Evane Ibuzwe
Bobani abangeza?
Woke umuntu wamukelekile. Ungeza nomndenakho.
Amahlelo la azokuthatha isikhathi esingangani?
Ikulumo yeBhayibheli ekhethekileko izokuthatha imizuzu ematjhumi amathathu. Izokulandelwa yikulumiswano yesihloko esithileko esiseBhayibhelini.
IsiKhumbuzo sizokuthatha isikhathi esingaba li-awara linye.
Amahlelo la azokubanjelwa kuphi?
Ukufumana indawo gandelela lapho ekutlolwe khona ukuthi, “Fumana Isikhumbuzo” namkha “Fumana Ikulumo Ekhethekileko.”
Kghani kufuze ube lilunga lethu namkha uhlale uza qobe?
Awa.
Kghani ngelangelo kufuze kukhutjhwe imali?
Awa. AboFakazi bakaJehova abakhiphisani imali emihlanganwenabo.—Matewu 10:8.
Kghani kufuze umbathe ngendlela ethileko?
Awa. Nanyana kunjalo, aboFakazi bakaJehova balinga ukumbatha ngendlela ehloniphekileko.
Kwenziwani esiKhumbuzweni?
IsiKhumbuzo sithonywa besivalwe ngengoma kuhlanganise nomthandazo ozokwenziwa ngomunye waboFakazi bakaJehova. Ihlelo lihlanganisa ikulumo ehlathulula ukuqakatheka kokufa kwakaJesu nokuthi sizuza njani kilokho uZimu noKrestu abasenzele khona.
Bona ufumane imininingwana engeziweko, funda isihloko esithi “Kungani OFakazi BakaJehova Begcina ISidlo SeNkosi Sakusihlwa Ngendlela Ehlukile Kweyezinye Izinkolo?”
Sizokubanjwa nini esinye isiKhumbuzo?
2026: NgeLesine, Apreli 2
2027: NgoMvulo, Matjhi 22
2028: NgoSondo, Apreli 9
Bona ufunde okungeziweko, bukela amavidiyo alandelako.
Qala indlela isiKhumbuzo esizokwenziwa ngayo, bewubone lokho okuzokwenzeka esikhathini esizako ngebanga lokufa kwakaJesu.
Kungenzeka wezwa ukuthi wafela izono zethu. Kghani ukuzidela komuntu munye kungazuzisa iingidi zabantu?
Ngena uzibonele ukuthi kwenzekani.
Dawuniloda isimemo ongakghona ukusiphrinta.