Biki Bye Tuyiga mu Bayibuli?
Katonda addamu essaala z’abantu bonna?
OLOWOOZA OTYA?
Addamu essaala z’abantu bonna
Adamu essaala z’abantu abamu
Taddamu ssaala za muntu yenna
BAYIBULI KY’EGAMBA
“Yakuwa ali kumpi n’abo bonna . . . abamukoowoola mu mazima.”—Zabbuli 145:18.
EBIRALA BYE TUYIGA MU BAYIBULI
Katonda tawulira ssaala z’abantu abatagondera mateeka ge. (Isaaya 1:15) Kyokka, Katonda asobola okuwulira essaala z’abantu ng’abo singa balekera awo okukola ebintu ebibi ne bakola by’ayagala.—Isaaya 1:18.
Katonda okusobola okuddamu essaala z’omuntu, omuntu oyo by’asaba birina okuba nga bituukana n’ebyo Katonda by’ayagala.—1 Yokaana 5:14.
Waliwo engeri ey’enjawulo gye tulina okubaamu nga tusaba?
ABANTU ABAMU BALOWOOZA nti bwe baba basaba balina okufukamira, oba okukutamya ku mutwe. Ggwe olowooza otya?
BAYIBULI KY’EGAMBA
Bayibuli eraga nti Katonda yawuliriza essaala z’abantu abaasaba nga ‘batudde,’ nga ‘bayimiridde,’ nga ‘beeyaze wansi,’ oba nga ‘bafukamidde.’ (1 Ebyomumirembe 17:16; 2 Ebyomumirembe 30:27; Ezera 10:1; Ebikolwa 9:40) Katonda tateekawo tteeka ku ngeri omuntu gy’alina okubaamu ng’asaba.
EBIRALA BYE TUYIGA MU BAYIBULI
Katonda awuliriza essaala z’abantu abeetoowaze.—Zabbuli 138:6.
Osobola okusaba mu lulimi lwonna era osobola n’okusaba mu kasirise.—2 Ebyomumirembe 6:32, 33; Nekkemiya 2:1-6.
Era Oyinza Okwagala Okusoma Ebitundu Bino
EBIBUUZO BAYIBULI BY’EDDAMU
Bwe Nsaba Katonda Anannyamba?
Ddala Katonda atufaako nga tufunye ebizibu?
OMUNAALA GW'OMUKUUMI
Kikulu Okusaba Katonda?
Katonda asobola okuddamu okusaba wadde nga takoze byamagero.
EBIBUUZO BAYIBULI BY’EDDAMU
Lwaki Katonda Tawuliriza Essaala Ezimu?
Laba essaala Katonda z’ataddamu era n’ezo z’atawuliriza.
