Nani kwenda ku zulu?
Mvutu ya Bibila
Nzambi tikunku tia Bakristo ba kwikama kasolaka, ngatu ha manima ma lufwa lwawu babaka mvumbukulu ya ba fwa mu kwe bâ ku zulu. (1 Piere 1:3, 4) Bu bamana ba solaka, bafweti tatamana mu kengerela timinu tia ngolo na ndiatulu ya mbote yisikamane mu mitieno mia Bakristo, ngatu balembo hombesa bweso bo.—Bisi-Efeze 5:5; Bisi-Filipe 3:12-14.
Bô bakwenda ku zulu nti bakwe sa?
Tintwari na Yezu, mbo babâ mitinu na nganga-Nzambi mvula 1 000. (Nzabukusu 5:9, 10; 20:6) Mbo bakwizi bâ “zulu dia môna,” peleko guvernema ya ku zulu yikwizi yâla “mutoto wa môna,” peleko bantu. Ntwarisi zango mbo zisala mu kârisa misamu buna bwa wayila wo Nzambi ha mbatukulu mu bungu dia bantu.—Izaya 65:17; 2 Piere 3:13.
Bantu bakwa bavumbuka mu kwenda ku zulu?
Bibila ditâka ti bantu 144 000 babaka mvumbukulu ya ba fwa mu kwe bâ ku zulu. (Nzabukusu 7:4) Mu timona-meso tie mu Nzabukusu 14:1-3, ntumwa Za wamona “Timeme tiatelama ha mongo wa Sione, na bantu 144 000.” Mu timona-meso tiango “Timeme” Yezu tita monekesa wavumbuka kwe ba fwa. (Za 1:29; 1 Piere 1:19) “Mongo wa Sione” wumonekese tibuka tia nkembo tie na Yezu na bantu 144 000 bayâla na yandi ku zulu.—Mikunga 2:6; Bahebre 12:22.
Bô “babatâ mbila mpe babasola” mu yâla na Yezu mu Timfumu, mbo babatâka “twila dia fioti.” (Nzabukusu 17:14; Like 12:32) Wusongele ti tamana kutakasa bimeme biabiansoni bia Yezu, bawu ba nkatika ba fioti babâ.—Za 10:16.
Mabanza ma mbi mu bô bakwenda ku zulu
Mabanza ma mbi: Bantu babansoni ba mbote ku zulu bakwenda.
Matieleka: Nzambi kanisini luzingu lwa mankululu ha mutoto kwe bantu babingi basaka mbote.—Mikunga 37:11, 29, 34.
Yezu watâ: “Ka kwena muntu ko weka naka ku zulu.” (Za 3:13) Buna wasongela ti bantu ba mbote bafwa ntete yandi, ntiana Abrahame, Mose, Yobe, na Davide, ka bayenda ku zulu ko. (Bisalu 2:29, 34) Kâ, tivuvu tia bâ nawu tia baka mvumbukulu ya ba fwa mu bâ ha mutoto.—Yobe 14:13-15.
Mvumbukulu ya kwe bâ ku zulu mbo batâka yo “mvumbukulu ya ntete.” (Nzabukusu 20:6) Wuzololo tâ ti mvumbukulu yakaka ye kô. Mvumbukulu ya ba fwa ha mutoto.
Bibila dilongese ti mu lutumu lwa Timfumu tia Nzambi, “lufwa ka luvutu’â kwa sala ko.” (Nzabukusu 21:3, 4) Mu bungu ti ku zulu ka kubâka lufwa ko, kani dio ha mutoto dilungana.
Mabanza ma mbi: Muntu ni muntu solaka tala ti ku zulu kabâ peleko ha mutoto.
Matieleka: Ni Nzambi solaka Bakristo ba kwikama babaka “musendo wa mbila zulu,” wuzololo tâ tivuvu tia kwe bâ ku zulu. (Bisi-Filipe 3:14) Nsatu za muntu ka zilendi’â zasa ko ti bamusola.—Matie 20:20-23.
Mabanza ma mbi: Tivuvu tia luzingu lwa mankululu ha mutoto ka tiena nguria ntalu ko, kwe bô balembolo na bweso bwa kwe bâ ku zulu bahana tio.
Matieleka: Bô babaka luzingu lwa mankululu ha mutoto, Nzambi mbo kabatâka “kanda diani,” “bô bansolele,” na “bô bê basakumunu kwe Yehova.” (Izaya 65:21-23) Mbo babâ na bweso bwamona ndungananu ya kani dia Nzambi mu bungu dia bantu: mankululu babâ ku paradi ha zulu mutoto na nitu za lunga.—Mbatukulu 1:28; Mikunga 115:16; Izaya 45:18.
Mabanza ma mbi: Lutangu lwa 144 000 lu bazonzele mu Nzabukusu tifwani kwa tiena.
Matieleka: Mu mukanda wa Nzabukusu lutangu lwakaka tifwani tiena kâ lwakaka kâni. Mu tifwani, “nkumbu 12 bazonzelaka, za milongoki 12 mia Timeme.” (Nzabukusu 21:14) Tataluzuleno bidimbu bita songela ti lutangu 144 000 ka lwena tifwani ko.
Nzabukusu 7:4 yitêle: “lutangu lwa bô babasiri tiniemo [peleko bô babanswikisi tivuvu tia kwe bâ ku zulu], 144 000.” Diangana tamana taluzula verse zita landa, mbo zita zonzela tikunku tia nzole : “yungi dia bantu, dialembo bâ na lutangu.” “Yungi dio dia bantu” mpe mvukulu ya Nzambi dita baka. (Nzabukusu 7:9, 10) Tala ti lutangu 144 000 tifwani kwa tiena, buna ka baketi’â zonzela bikunku biole ko. a
Musamu wakaka, bantu 144 000 bazonzelaka ntiana “bô babasumbiri ha kati dia bantu ntiana mbutu za ntete.” (Nzabukusu 14:4) Ntêlo ya “mbutu za ntete” mbo yimonekesaka tikunku tia fioti. Ntêlo yo yidelakane mu zonzela bô bayâla tintwari na Kristo tûka ku zulu ha zulu bantu ba nkatika babingi babâ ha mutoto.—Nzabukusu 5:10.
a Mpila mosi mpe, Profesere Robert L. Thomas watsoneka misamu emi mu bantu 144 000 babazonzele mu Nzabukusu 7:4: “Lutangu lo lwa matieleka lwena tamana fwanakasa na lutangu lwe mu Nzabukusu 7:9. Tala ti tifwani kwa tiena, buna lutangu lwalwansoni lwa mukanda wo bifwani kwa biena.”—Nzabukusu 1-7: An Exegetical Commentary, tinima 474.
Dzukula mpe...
ESSENTIAL BIBLE TEACHINGS
Ngano Timfumu tia Nzambi ni nti?
Yezu bu kabâ ha mutoto, wavulu zonzela Timfumu tia Nzambi. Tuka ntama bilandi biandi bisambila ngatu Timfumu tio tiza.
