Kani Mulisumine Muli BaYesu?
Inya. Tulicetekele muli baYesu, abalabile ati: ‘Nebo ene bucine, ene mweo. Tapapo umuntu uwisa kuli batata apakubula nebo.
’ (Yoane 14:6) Tulicetekele ati baYesu baalishile pa calo ukufuma kwiulu kabili balipeele umweo wabo uuwaminine ukuba umulambu. (Matayo 20:28) Imfwa yabo ne kubuuka kwabo kulapeela ishuko kuli baabo abalangisha ukucetekela muli bo ati kuntangiile bakakwata umweo wa muyayaya. (Yoane 3:16) Nakabili tulicetekele ati baYesu balukwikalika mu Bufumu bwa baLesa ubwa kwiulu, ubulukuleta ubutende pa calo conse bukumo lukoso. (Ukufisulula 11:15) Nangabe’fyo, tulalonda amashiwi baYesu baalabiile aakweba’ti: “Batata balincilile nebo ubukulu.
” (Yoane 14:28) Popele tatupempelapo kuli baYesu, ni pakuti tulicetekele ati talipo ni baLesa ba makosa onse.
Cipale Mungapendako Nafifi:
IFYAKWIPUSHA IFIPUSHIWA MAKOSA
Kani Bamboni sha BaYawe BaKlistu?
Mwane ishibeni umulandu tupusanineko ku bantu bambi abalabila ati baKlistu.
IFICINDEME IFI BAIBOLO ISAMBISHA
Mba Nindo BaYesu Baafwilile?
Cipale mulyumfwilepo amashiwi akweba’ti baYesu baalifwile pakweba’ti balubuule abantunshi bonse ku kubifya. Pano imfwa ya muntu umo ingalengesha shani abantu bonse ukulubuka?
PALI FWEBO
Lombeni Ukumusambisheni Baibolo
Sambilileni Baibolo apalukoso pa mpindi na pa mupunda mulukufwaya.