Kuht ac fah lotwelah ke section se inge ma ke mwet fuhsr, mwet pahluh, ac tohkohsrah suc ahkkahlwemye luhlahlfongi fokoko nuh sin Jeova. In acn Syria, tuhlihk muhtwacn Israel se el luhlahlfongi lah mwet pahluh luhn Jeova ac kuh in ahkkweyelah mas lal Naaman. Oasr luhlahlfongi yohk lal mwet pahluh Elisha muh Jeova elac loangwellah liki mwet lokoalok, sie u luhn mwet mweun. Mwet Tol Fuhlwact Jehoiada el pihlesracllah moul lal tuh elan kuh in loangwelah tuhlihk fuhsr se inge Jehoash liki ninac mahtuh koluk se kiacl inge, Athaliah. Tohkohsrah Hezekiah el luhlahlfongi lah Jeova el kuh in molwelah Jerusalem, ac el tiac sahngweng sin mwet Assyria. Tohkohsrah Josiah el ahkwacngihnyelah orekma in alu nuhke ma  sruhloaclah fin acn uh, ahkwoyelah tempuhl, ac kol muhtuhnfacl Israel in fohlohk nuhke alu pwacye.