Ke section se inge, mwe sramsram ma oasr in puk fuhsr in Bible, Matthew nuhke Fwackyuk, ac fah muhtwacwacack in orekmakihnyuck. Jesus el isuslac ke sie sucu suhkahsruhp suc muhta ke mura srihsrihk. El kahsruh pahpah tuhmwacl ke orekma lal oacna mwet kamtuh. Jesus pa ac molwelah mwet uh. Jeova el sulacllah oacna sie Tohkohsrah ke Tohkohsrahi luhn God inkuhsrao. Kom fin sie pahpah kuh ninac, kahsruh tuhlihk nuhtum an in liye ac kahlwem kac lah Jeova el sulaclah fuhkah sucu se, ac acn se ma Jesus el ac mahtuhlah we. Lotwelah lah Jeova el karuhnguhnuhlwacng Jesus fuhkah elan tiac acnwucki sel Herod, ac liye pac lah ac fuhkah wacngihn kuhtwena ma kuh in tulokihnyac oakwuck luhn Jeova. Lotwelah lah Jeova el srihsrngilyac John fuhkah tuh elan ahkolah inkacnek nuh sel Jesus. Oruh in kahlwem lah Jesus el ahkkahlwemye srui lal ke lahlmwetmwet luhn Jeova, finne ke pacl ma el srackna tuhlihk srihsrihk.