Kahs in Muhtwacwacack nuhke Section 3
Ke yac pucspucs tukun Sronot, Bible uh ahkkahlwemye mwet na ekahsr suc kuhlwacnsuhpuh Jeova. Sie sin mwet inge suc kuhlwacnsap nuh sin Jeova pa Abraham, suc etweyuck pac oacna mwet kawuck lal. Efuh kuh pahngonyuck el oacna mwet kawuck luhn Jeova? Kom fin sie pahpah kuh ninac, kahsruh tuhlihk nuhtum an in liye lah Jeova el nuhnkuh kacl ac luhngse in kahsrel. In oacna Abraham ac kuhtuh pac mwet oaru inge, oacna Lot ac Jacob, kuht kuh in siyuck sin Jeova ke kahsruh lal. Kuht kuh in luhlahlfongi lah Jeova el ac ahkpwacyeye ma nuhkewa el wuhlelah.
KE SECTION SE INGE
MWE LUTLUT 7
Tower luhn Babel
Kuhtuh mwet uh sulaclah in muhsahelah sie siti ac sie tower ma ac sun acn inkuhsrao. Efuh kuh God el oracltahllah in kahskahskihn kain in kahs uh?
MWE LUTLUT 8
Abraham ac Sarah Elos Ahkos God
Efuh kuh Abraham ac Sarah eltahl fihliyac moul laltahl ke siti ac eklac oacna sie mwet fuhfahsryucsr fin acn Canaan?
MWE LUTLUT 9
Oswelah Sie Wen!
God el ac ahkpwacyeye fuhkah wuhlelah lal nuh sel Abraham inge? Suc kac sin wen nahtuhl Abraham inge ac ahkpwacyeyuck wuhlelah se inge yohroh—Isaac kuh Ishmael?
MWE LUTLUT 10
Esam Muhtwacn Kiyacl Lot
God el oraclah yot sulfur fihrihr oacna af uh puhtat inkuhsrao me nuh fin acn Sodom ac Gomorrah. Efuh siti inge kuhnanuclac? Efuh kuht enenuh in esam muhtwacn kiyacl Lot?
MWE LUTLUT 11
Srihkeyuck Luhlahlfongi Lal
God el fahk nuh sel Abraham: ‘Us wen sefanna nuhtum an ac kihsackuhnuhllah ke finohl soko in acn Moriah.’ Meac Abraham el ac oruh ke mwe srihke in luhlahlfongi inge?
MWE LUTLUT 12
Jacob Pa Eis Mwe Usru Sac
Oasr fak mukul se nahtuhl Isaac ac Rebekah, ineltahl pa Esau ac Jacob. Mweyen Esau pa isuslac meet, pwacnacng el kuh in eis mwe usru na sacohk se. Efuh kuh el kihtaclah ma inge ke ahluh in mongo se?
MWE LUTLUT 13
Jacob ac Esau Orek Mislac Inmahsrloltahl
Jacob el eis mwe ahkinsewowo fuhkah sin lipufacn se? Ac el orek mislac fuhkah sel Esau?
