Mahlwem luo tukun mwet Israel elos sahslah Meoa Sruhsrah, elos sun Ohl Sinai. In acn se inge, Jeova el oraclah wuhleacng nuh sin mwet Israel, wuhlelah muh elos ac fah eklac oacna muhtuhnfacl se lal. El karuhnguhnelos ac sang ma nuhkewa elos enenuh—manna oacna mongo, nuknuk ma tiacna mahi, ac acn in muhta lalos ma oasr mislac. Kom fin sie pahpah kuh ninac, kahsruh tuhlihk nuhtum in kahlwem kac lah efuh kuh Jeova el sang nuh sin mwet Israel Masap uh, lohm nuknuk muhtahl, ac oakwuck ke mwet tol. Luti nuh seltahl lah arlac yohk srihpac in ahkpwacyeye wuhlelah, in tahfwelah na in puhsisacl, ac in sruokyac oaru nuh sin Jeova pacl nuhkewa.