Kahs in Muhtwacwacack nuhke Section12
Jesus el luti mwet uh ke Tohkohsrahi luhn God inkuhsrao. El lotweltahl pac in puhruhe in ahkmuhtahlye inen God, in siyuck Tohkohsrahi lal in tuhkuh, ac in oruh ma luhngse lal fin facluh. Kom fin sie pahpah kuh ninac, ahkuhtweyac nuh sin tuhlihk nuhtum kalmen puhruhe inge. Jesus el tiac lwelah Satan elan kuhnahoslah oaru lal nuh sin God. El sulaclah mwet sap lal, ac eltahl pa u se meet suc wi ke Tohkohsrahi luhn God. Liye moniyuck pwacye lal Jesus nuhke alu pwacye. Ke srihpen Jesus el luhngse in kahsruh mwet sahyac, pwacnacng el ahkkweyelah mwet mas, kihte mwet masrinsracl, ac el ahkmoulyeack mwet misac. Ke mwenmwen pucspucs ma el oraclah, el ahkkahlwemye lah meac Tohkohsrahi luhn God ac fah oruh nuh sin mwet uh.
KE SECTION SE INGE
MWE LUTLUT 74
Jesus El Eklac Messiah
Meac kalmacn kahs lal John inge ke el fahk muh Jesus pa lamb nuhtin God?
MWE LUTLUT 75
Devil El Srifwel Jesus
Pacl tolu Devil el srifwel Jesus. Meac mwe srifwe tolu inge? Meac Jesus el oruh?
MWE LUTLUT 76
Jesus El Ahknwacsnwacsyelah Tempuhl Uh
Efuh kuh Jesus el luhslah cow ac sheep liki tempuhl ac oankiyac tepuh luhn mwet ayaol mani?
MWE LUTLUT 77
Muhtwacn Se Ke Sie Luhf In Kof
Muhtwacn Samaria se ke sie luhf in kof lal Jacob el lut ke Jesus el sramsram nuh sel. Efuh? Meac Jesus el fahk nuh sel ma el soenna fahk nuh sin mwet sahyac uh?
MWE LUTLUT 78
Jesus El Fahkwack Pweng Ke Tohkohsrahi
Jesus el suli kuhtuh sin mwet tuhma lutlut lal “in pahtuhri mwet.” Tok kuhtuh, el sang ahkpah nuh sin mwet tuhma lutlut 70 lal in fahkwack pweng wo.
MWE LUTLUT 79
Jesus El Oraclah Mwenmwen Pucspucs
Yen nuhkewa el som nuh we, mwet mas uh ukwacl, ac el ahkkweyelah mas luhn mwet nuhkewa inge. El ahkmoulyeack tuhlihk muhtwacn se.
MWE LUTLUT 80
Jesus El Sulaclah Mwet Sap Singucul Luo
El solwacltahl in oruh meac? Yac kom esam ineltahl?
MWE LUTLUT 82
Jesus El Luti Mwet Tuhmal Lutlut Inkacnek Wo In Puhruhe
Ma fuhkah Jesus el fahk nuh sin mwet tuhmal lutlut in ‘tahfwelah in siyuck’?
MWE LUTLUT 83
Jesus El Kihteyac Tausin Pucspucs Sin Mwet
Meac mwenmwen se inge ahkkahlwemye nuh sesr kacl Jesus ac Jeova?
MWE LUTLUT 84
Jesus El Fahsr Fin Kof Uh
Yac kom luhmahlah ke nuhnak lom ke puhlakihn luhn mwet sap ke pacl se eltahl liye mwenmwen se inge?
MWE LUTLUT 85
Jesus El Ahkkweyelah Mwet Mas Ke Lwen Sabbath
Efuh kuh tiac mwet nuhkewa engan ke ma el oruh uh?
MWE LUTLUT 86
Jesus El Ahkmoulyelack Lazarus
Ke Jesus el liyacl Mary tuhng, el muhtwacwacack pac in tuhng. Tuhsruhktuh tiac paht ahsor lalos inge eklac nuhke engan luhlahp.
