Kahs in Muhtwacwacack nuhke Section 2
Efuh kuh Jeova el suhpwacma sronot kuhnahoslah mwet uh in pacl sacn? Tukun Jeova el oraclah mwet uh, alein muhtwacwacack inmahsrlon ma wo ac ma koluk. Kuhtuh mwet, oacna Adam, Eve, ac Cain, suc ma nahtuhltahl, elos sulaclah in wi lacyen luhn ma koluk. Oasr kuhtuh mwet, oacna Abel ac Noah, sulaclah in wi lacyen ma wo. Inkaiyen mwet uh arlacna koluk pwacnacng Jeova el kuhnahoseloslah. Section se inge fah kahsre kuht in lotwelah lah Jeova el etuh lah ma fuhkah kuht sulaclah in wi, ac el ac fah tiac lwelah ma koluk in kuhtanglah ma wo.
KE SECTION SE INGE
MWE LUTLUT 3
Adam ac Eve Seahkos God
Meac ma arlacna wo ke sahk soko in imac Eden inge? Efuh kuh Eve el kang fukun sahk se kac?
MWE LUTLUT 4
Kasrkuhsrak Lal Oraclah Ahkmas
God el insewowo ke mwe kihsac lal Abel tuhsruhktuh mwe kihsac lal Cain el tiac. Ke pacl se Cain el liye ohinge, el arlacna kasrkuhsrak ac oruh ma na koluk upac se.
MWE LUTLUT 5
Oak Okoacl Noah
Ke pacl se lipufacn koluk uh pahyuckyak sin muhtwacn fin facluh, oasr tuhlihk nahtuhltahl suc yohk pihsac ac fuhnmweti mwet. Orekma suhlallacl oasr yen nuhkewa. Tuhsruhktuh Noah el siena—el luhngse ac ahkos God.
MWE LUTLUT 6
Mwet Oalkohsr Moullac Liki Sronot
Sronot uh oruh af uh kahk ke lusen lwen 40 ac fong 40. Noah ac sucu lal uh muhta luun oak soko ah ahluhkwelah yac se. Eltahl kuh in tufoki liki oak soko ah.
